ପ୍ରଭାସଙ୍କ ବିବାହ ଖବରକୁ ନେଇ ଯଦିଓ ସବୁବେଳେ ଚର୍ଚ୍ଚା ଜାରି ରହିଛି ତଥାପି ସତ୍ୟତା କେବେ ସାମ୍ନାକୁ ଆସିନାହିଁ । ବାରମ୍ବାର ପ୍ରଭାସଙ୍କ ନାମ ଅଭିନେତ୍ରୀ ଅନୁଷ୍କା ସେଟ୍ଟୀଙ୍କ ସହିତ ଯୋଡ଼ା ଯିବା ପରେ ମଧ୍ୟ ଉଭୟ ଆକ୍ଟର ଏହି କଥାକୁ ଖଣ୍ଡନ କରି ବନ୍ଧୁତାର ପରିଚୟ ଦେଇଛନ୍ତି । ତେବେ ବର୍ତ୍ତମାନ ଆସିଛି ଏକ ତାଜା ଖବର । ଯେଉଁଥିରେ କାହାକୁ ବିବାହ କରିବେ ପ୍ରଭାସ ତାହା ଜଣାପଡ଼ିଛି ।
ଖବର ଅନୁସାରେ ଆମେରିକାରେ ରହୁଥିବା ଜଣେ ବ୍ୟବସାୟୀଙ୍କ ଝିଅକୁ ପ୍ରଭାସ ବିବାହ କରିବେ ବୋଲି ଜଣାପଡ଼ିଛି । ଫିଲ୍ମ ସାହୋ ରିଲିଜ୍ ହେବା ପରେ ପରିବାର ଲୋକେ ପ୍ରଭାସଙ୍କ ବିବାହ କରାଇବା କଥା ଚିନ୍ତା କରିଛନ୍ତି । ତେବେ ଏହି ଖବରରେ କେତେ ସତ୍ୟତା ରହିଛି, ତାହା ଭବିଷ୍ୟତରେ ସ୍ପଷ୍ଟ ହୋଇ ଯିବ।
