Only for Entertainment

ଆପଣଙ୍କର ଏହି ସବୁ ଅଭ୍ୟାସ ଅଛି କି ହୋଇଯାଆନ୍ତୁ ସାବଧାନ, ଆଣିପାରେ ଶିଶୁ ମାନଙ୍କୁ ପାଇଁ ବିପଦ !

theguardian
0 19

ମାଆ ହେବାର ଅନୁଭୂତି ଯେତିକି ସୁନ୍ଦର ହୋଇଥାଏ ସେତିକି କଷ୍ଟ ହୋଇଥାଏ ମାଆର ଦାୟିତ୍ୱ। ଶିଶୁର ଯତ୍ନ କିଭଳି ନେବା ଉଚିତ, କେଉଁ କେଉଁ ଦିଗ ପ୍ରତି ଧ୍ୟାନ ଦେବା ଆବଶ୍ୟକ, ଏହିସବୁ ବିଷୟରେ ମାଆ ହେବାକୁ ଯାଉଥିବା ମହିଳାମାନେ ନିଶ୍ଚୟ ଜାଣିବା ଆବଶ୍ୟକ। ବହୁବାର ଶିଶୁର ଲାଳନ ପାଳନ କରିବା ସମୟରେ ଲୋକେ ଅଜାଣତରେ ଏଭଳି ଭୁଲ୍‍ ମାନ କରି ଥାଆନ୍ତି ଯାହାଦ୍ୱାରା ଶିଶୁର ଜୀବନ ଉପରେ ମଧ୍ୟ ବିପଦ ଆସିବାର ସମ୍ଭାବନା ଥାଏ। ତେବେ ଚାଲନ୍ତୁ ଜାଣିବା ପିଲାର ଲାଳନ ପାଳନ ସମୟରେ କେଉଁ ଦିଗ ପ୍ରତି ଧ୍ୟାନ ଦେବା ନିହାତି ଆବଶ୍ୟକ ହୋଇଥାଏ l

ଶିଶୁକୁ ଅଧିକ ସମୟ ଧରି କାନ୍ଦିବାକୁ ଦିଅନ୍ତୁ ନାହିଁ –

ଅଧିକ କାନ୍ଦିବା ଦ୍ୱାରା ଶିଶୁର ଚାପ ବା ମାନସିକ ଉତ୍ତେଜନା ବଢିଥାଏ। ଏହାଦ୍ୱାରା ପିଲାର ବିକାଶରେ କୁପ୍ରଭାବ ପଡ଼ିଥାଏ।

ଶିିଶୁର ମୁହଁ ତଳକୁ କରି ଶୁଆନ୍ତୁ ନାହିଁ –

ପିଲାକୁ କେବେହେଲେ ତଳକୁ ମୁହଁ କରି ଶୋଇବାକୁ ଦିଅନ୍ତୁ ନାହିଁ। ଏହା ଆପଣଙ୍କ ପିଲା ପାଇଁ ମାରାତ୍ମକ ସାବ୍ୟସ୍ତ ହୋଇପାରେ। ଆପଣଙ୍କ ପିଲା କିଭଳି ଶୋଉଛି ସେଥିପ୍ରତି ସମ୍ପୂର୍ଣ୍ଣ ଧ୍ୟାନ ଦିଅନ୍ତୁ। ପିଲାକୁ ସର୍ବଦା ଉପରକୁ ମୁହଁ କରାଇ ହିଁ ଶୁଆନ୍ତୁ।

ଶିଶୁକୁ ଏକୁଟିଆ ଛାଡ଼ନ୍ତୁ ନାହିଁ –

ପିଲାକୁ କେବେହେଲେ ଏକା ଛାଡ଼ନ୍ତୁ ନାହିଁ। ବହୁତ ପିଲା ଛୋଟ ହୋଇଥିଲେ ମଧ୍ୟ କଡ଼ ବଦଳାଇ ଥାଆନ୍ତି ଓ ଏପଟ ସେପଟ ହୋଇଥାଆନ୍ତି, ଯାହାଦ୍ୱାରା ସେମାନଙ୍କର ପଡ଼ିଯିବାର ଆଶଙ୍କା ଥାଏ।

ଶିଶୁକୁ ଜୋର୍‍ ଝୁଲାନ୍ତୁ ନାହିଁ –

ଶିଶୁ ଶରୀରର ଅଙ୍ଗ ପ୍ରତ୍ୟେଙ୍ଗ ଖୁବ୍‍ ନରମ ବା ସମ୍ବେଦନଶୀଳ ହୋଇଥାଏ। ସେମାନଙ୍କୁ ଜୋର୍‍ରେ ହଲାଇବା, ଝୁଲାଇବା ଦ୍ୱାରା ସେମାନଙ୍କ ଶରୀରର କୌଣସି ଅଙ୍ଗର କ୍ଷତି ହୋଇପାରେ ଓ ତାଙ୍କ ମସ୍ତିଷ୍କ ମଧ୍ୟ ପ୍ରଭାବିତ ହେବାର ଆଶଙ୍କା ଥାଏ।

କ୍ଷୀର ପିଆଇବା ପରେ ଢକାର ଦେଉଛି କି ନାହିଁ ଧ୍ୟାନ ରଖନ୍ତୁ –
ପିଲାକୁ କିଛି ଖୁଆଇବା କିମ୍ବା କ୍ଷୀର ପିଆଇବା ପରେ କାନ୍ଧରେ ପକାଇ କିଛି ସମୟ ତା’ର ପିଠିକୁ ଥାପୁଡ଼ାଇ ଦିଅନ୍ତୁ। ଏପରି କରିବା ଦ୍ୱାରା ପିଲାର ଢକାର ଦେଇଥାଏ ଯାହାଦ୍ୱାରା ପିଲା ଶରୀରରୁ ଗ୍ୟାସ୍‍ ବାହାରି ଯାଇଥାଏ। ଯଦି ଖାଇବା କିମ୍ବା କ୍ଷୀର ପିଇବା ପରେ ପିଲାର ଢକାର ଦେଉନାହିଁ ତେବେ ପିଲା ପେଟରେ ଯନ୍ତ୍ରଣା ହୋଇପାରେ, ଯେଉଁଥିପାଇଁ ତା’ର ଶୋଇବାରେ ବ୍ୟାଘାତ ସୃଷ୍ଟି ହୋଇଥାଏ।

ଶିଶୁକୁ ବିଭିନ୍ନ ପ୍ରକାରର ଖାଦ୍ୟ ଦିଅନ୍ତୁ ନାହିଁ –

ଶିଶୁଙ୍କର ହଜମ ଶକ୍ତି ବହୁତ କମ୍‍ ଥାଏ। ମାଆ କ୍ଷୀର ବ୍ୟତୀତ ଅନ୍ୟ ବିଭିନ୍ନ ପ୍ରକାର ଖାଦ୍ୟ ଦେବା ଦ୍ୱାରା ପିଲାର ଆଲର୍ଜି ହେବାର ଆଶଙ୍କା ଥାଏ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More