Only for Entertainment

ବଦଳାନ୍ତୁ ଏହି ଅଭ୍ୟାସ ସମ୍ପର୍କ ହେବ ମଧୁର !

VideoBlocks
0 19

ବହୁ ସମୟରେ ଦେଖିବାକୁ ମିଳିଥାଏ ଇଚ୍ଛା ଥିଲେ ବି ପ୍ରେମୀ ଯୁଗଳ ପରସ୍ପରକୁ ସାକ୍ଷାତ କରିପାରିନାହାନ୍ତି। ଏଥିପାଇଁ ସେମାନଙ୍କ ମଧ୍ୟରେ ବାଦବିବାଦ ବଢ଼ିବା ସହ ଦୂରତା ଆସିଯାଇଥାଏ। କେବଳ ପ୍ରେମୀ ଯୁଗଳ ନୁହନ୍ତି, ଦମ୍ପତିଙ୍କ କ୍ଷେତ୍ରରେ ମଧ୍ୟ ଏପରି ସମସ୍ୟା ଦେଖାଦେଇଥାଏ। ଆପଣଙ୍କ ପାର୍ଟନର ଆପଣଙ୍କୁ ସାକ୍ଷାତ କରିପାରୁ ନାହାନ୍ତି ଓ କାର୍ଯ୍ୟ ବ୍ୟସ୍ତତାକୁ ଏହାର କାରଣ ଭାବେ ଦର୍ଶାଉଛନ୍ତି କି ? ଯଦି ଏପରି ହେଉଥାଏ, ତେବେ ଏଥିରେ କେବଳ ତାଙ୍କର ଭୁଲ ଅଛି ବୋଲି ଭାବନ୍ତୁ ନାହିଁ। ଏପରି ସ୍ଥିତି ଉପୁଜିବା ପାଇଁ ଆପଣଙ୍କର ବି କିଛି ଭୁଲ ଥାଇପାରେ। ଏପରି ସମସ୍ୟାରୁ ମୁକୁଳିବାକୁ ହେଲେ ଆପଣଙ୍କୁ ହିଁ କିଛି କରିବାକୁ ପଡ଼ିବ। ଏଥିପାଇଁ ନିଜ ପାର୍ଟନରଙ୍କୁ ମନେ ପକାନ୍ତୁ ଓ ସମୟ ବାହାର କରି ସାକ୍ଷାତ କରନ୍ତୁ। ଏହାସହ ଅନ୍ୟ କିଛି ଉପାୟ ଅଛି, ଯାହାଦ୍ୱାରା ଏ ସମସ୍ୟାରୁ ମୁକୁଳି ପାରିବେ। ଆସନ୍ତୁ ଜାଣିବା କେଉଁ ଉପାୟ ଅବଲମ୍ବନ କଲେ ପାର୍ଟନରଙ୍କ ସହ ଥିବା ମନୋମାଳିନ୍ୟ ଦୂର ହୋଇଯିବ।

 

  • ଯଦି ପାର୍ଟନରକୁ ବାରମ୍ବାର କଲ୍ କିମ୍ବା ମେସେଜ୍ କରୁଛନ୍ତି ତେବେ ତାହା ଶୀଘ୍ର ବନ୍ଦ କରନ୍ତୁ। ଏମିତି କଲେ ଆପଣଙ୍କ ପାର୍ଟନର୍ ବିରକ୍ତି ପ୍ରକାଶ କରିବେ ଓ ଆପଣଙ୍କ ଗୁରୁତ୍ୱ ମଧ୍ୟ କମିଯିବ। ପ୍ରଥମେ ପ୍ରଥମେ ଏହା ଆପଣଙ୍କୁ କଷ୍ଟ ଦେଇପାରେ। କିନ୍ତୁ ଚେଷ୍ଟା କରନ୍ତୁ, ଏମିତି କରିବା ଦ୍ୱାରା ଆପଣଙ୍କ ପାର୍ଟନର ଆପଣଙ୍କ ଗୁରୁତ୍ୱ ବୁଝିବେ।
  • ଆପଣ ସବୁ କାମରେ ତାଙ୍କ ଉପରେ ନିର୍ଭର କରୁଛନ୍ତି କି ? ଯଦି ହଁ, ତେବେ ନିଜ କାମ ନିଜେ କରିବାକୁ ଚେଷ୍ଟା କରନ୍ତୁ। ନହେଲେ, ସେ ଏହାକୁ ଆପଣଙ୍କ ଦୁର୍ବଳତା ବୋଲି ଭାବିବେ। ନିଜର ଏକ ସୂତନ୍ତ୍ର ପରିଚୟ ସୃଷ୍ଟି କରନ୍ତୁ। ସେ ଆପଣଙ୍କ ମୂଲ୍ୟ ନିଶ୍ଚିତ ବୁଝିବେ।
  • ନିଜର ସୌନ୍ଦର୍ଯ୍ୟ ପ୍ରତି ଦୃଷ୍ଟି ଦିଅନ୍ତୁ। ଆମେ ବାହାରର ସୁନ୍ଦରତା କଥା କହୁନୁ। ନିଜ ଆଚାର, ବ୍ୟବହାର ବି ଭଲ ହେବା ଦରକାର। ଯଦି ଆପଣଙ୍କ ପାର୍ଟନରଙ୍କୁ ଲାଗେ ଆପଣଙ୍କ ବ୍ୟବହାର ତାଙ୍କ ପ୍ରତି ଠିକ୍ ରହୁନାହିଁ, ସେ ଦୂରେଇବାକୁ ଆରମ୍ଭ କରିବେ।
  • ଖାଲି ସୁନ୍ଦର ଦିଶିଲେ ଚଳିବ ନାହିଁ। ନିଜ ଜ୍ଞାନ ବଢ଼ାନ୍ତୁ। କାରଣ କୌଣସି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ନିଜ ପାର୍ଟନର ସହ ଆଲୋଚନା କରିବାକୁ ସମସ୍ତେ ପସନ୍ଦ କରନ୍ତି। ଯଦି ତାଙ୍କର ଧାରଣା ହେବ କୌଣସି ପ୍ରସଙ୍ଗରେ ଆପଣଙ୍କ ସହ ଆଲୋଚନା କରି କିଛି ଲାଭ ମିଳିବ ନାହିଁ, ତେବେ ସେ ଆପଣଙ୍କଠାରୁ ଦୂରେଇବାକୁ ଆରମ୍ଭ କରିବେ।
  • ରୋମାଣ୍ଟିକ୍ ହେବା କେବଳ ପୁଅଙ୍କ କାମ ନୁହେଁ, ଝିଅମାନେ ବି ଏଥିପ୍ରତି ଗୁରୁତ୍ୱ ଦେବା ଦରକାର। ନିଜ ବୟଫ୍ରେଣ୍ଡକୁ ଖୁସି କରିବା ଦରକାର। ତାଙ୍କ କଥାକୁ ଗୁରୁତ୍ୱ ଦିଅନ୍ତୁ। ଏପରି କଲେ, ସେ ଆପଣଙ୍କ ପ୍ରତି ଅଧିକ ଆକର୍ଷିତ ହେବେ।
Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More