କୁକୁଡା ବିରୋଧରେ ଅଭିଯୋଗ ଆସିବାରୁ କାନ୍ଦିବାକୁ ଲାଗିଲେ ମାଲିକାଣୀ, କହିଲେ…
ମଧ୍ୟପ୍ରଦେଶର ଶିବପୁରୀରେ ଏକ ଅନୋଖା ମାମଲା ଦେଖିବାକୁ ମିଳିଛି । ଯେଉଁଠାରେ ଜଣେ ମହିଳା କୁକୁଡା ବିରୋଧରେ ଅଭିଯୋଗ କରିବା ପାଇଁ ପୋଲିସ ଷ୍ଟେସନରେ ପହଁଚିଥିଲେ । ଅଭିଯୋଗ ହେବା ପରେ ଥାନା ଅଧିକାରୀ କୁକୁଡା ଏବଂ ତାର ମାଲିକକୁ ଥାନାକୁ ଡକାଇଥିଲେ । ପୋସିସ ଷ୍ଟେସନରେ ପହଁଚିବା ପରେ କୁକୁଡାର ମାଲିକାଣୀ କୁକୁଡାକୁ ଛାଡି ଦେବା ପାଇଁ ନେହୁରା ହୋଇ କାନ୍ଦିଥିଲେ । ଆପଣ ଭାବୁଥିବା କୁକୁଡା ଏମିତି କ’ଣ କଲା ଯେ ତା ନାମରେ ଅଭିଯୋଗ ଆସିଲା ?
ଅସଲରେ ଘଟଣାଟି ହେଉଛି, ପୁନମ ନାମକ ଜଣେ ମହିଳା ଥାନାରେ ପହଁଚି ଅଭିଯୋଗ କରିଥିଲେ ଯେ ଗୋଟିଏ କୁକୁଡା ତାଙ୍କ ପୁଅ ଉପରକୁ ଝାମ୍ପ ମାରି ତାକୁ ଖୁମ୍ପି ଦେଇଛି । ଏହି କୁକୁଡାକୁ ତାଙ୍କ ପଡୋଶୀ ପାଳୁଛନ୍ତି ବୋଲି ମଧ୍ୟ ଥାନାରେ ସେ ଅଭିଯୋଗ କରିଥିଲେ । ଥାନା ଅଧିକାରୀ ଏହା ଶୁଣିବା ପରେ କୁକୁଡା ଏବଂ ତାର ମାଲିକୁ ଥାନାକୁ ଡକାଇଥିଲେ । ଥାନାରେ କୁକୁଡାକୁ ଦଣ୍ଡ ମିଳିବା କଥା ଶୁଣି କୁକୁଡାର ମାଲିକାଣୀ ଲକ୍ଷ୍ମୀ ଜୋର ଜୋରରେ କାନ୍ଦିବାକୁ ଲାଗିଥିଲେ । ପୋଲିସ ଅଧିକାରୀଙ୍କ ପାଖରେ ଗୁହାରୀ କରିଥିଲେ ଯେ, ମୁଁ ଏହି କୁକୁଡାକୁ ନିଜ ଛୁଆ ପରି ପାଳିଛି । ମୋତେ ଜେଲରେ ବନ୍ଦ କରିଦିଅ ପଛେ ତାକୁ ଛାଡି ଦିଅ ।
@ndtvindia जब मुर्गा पहुंचा पुलिस स्टेशन, मालकिन ने कहा मुझे डाल दो जेल में! @ajaiksaran @sunilcredible @shailendranrb @nishatshamsi pic.twitter.com/cAm1QQ4yBv
— Anurag Dwary (@Anurag_Dwary) February 3, 2019
ପୁନମ ଅଭିଯୋଗ କରିଥିଲେ ଯେ, କୁକୁଡାଟି ୩ଥର କାଟିବାରୁ ତାଙ୍କୁ ବାଧ୍ୟ ହୋଇ ଥାନାକୁ ଆସିବାକୁ ପଡିଲା । ସେ କହିଥିଲେ ଯେ ଆଉ ଥରେ ଯେପରି କୁକୁଡା ମୋ ପୁଅକୁ ନ କାମୁଡେ । ଏହା ପରେ କୁକୁଡାର ମାଲିକ ପୁନମଙ୍କୁ କ୍ଷମା ମାଗିଥିଲେ । ପୋଲିସ ବୁଝାସୁଝା କରିବା ପରେ ପୁନମ ମାନିଥିଲେ ଏବଂ କୁକୁଡା ବିରୋଧରେ ଅଭିଯୋଗ ଫେରାଇନେଇଥିଲେ । ଏହା ସହିତ କୁକୁଡାର ମାଲିକ କୁକୁଡାକୁ ପିଞ୍ଜରାରେ କିମ୍ବା ବାନ୍ଧିକି ରଖିବେ ବୋଲି ପ୍ରତିଶୃତି ଦେଇଥିଲେ । ଏହି ଘଟଣା ଏବେ ସେ ଅଂଚଳରେ ଚର୍ଚ୍ଚାର ବିଷୟ ପାଲଟିଛି ।
See the “troublemaker” who was “detained” on charges of pecking cheek of a young girl, accused @ ” rooster ” 🙂@ndtvindia @ndtv @shailendranrb @ajaiksaran @sunilcredible @shailgwalior @PrasadVKathe @dharamtiwari @avinashonly pic.twitter.com/omW4y5lZdk
— Anurag Dwary (@Anurag_Dwary) February 3, 2019