ମହାରାଷ୍ଟ୍ର ବନ୍ୟା ପିଡିତଙ୍କୁ ୫୧ ଲକ୍ଷ ଦାନ କଲେ ଅମିତାଭ ବଚ୍ଚନ, ଟ୍ୱିଟ କରି ମୁଖ୍ୟମନ୍ତ୍ରୀ କଲେ ଧନ୍ୟବାଦ
ବଲିଉଡ ଅଭିନେତ୍ରୀ ରିତେଶ ଦେଶମୁଖ ନିକଟରେ ମହାରାଷ୍ଟ୍ର ବନ୍ୟା ପିଡିତଙ୍କୁ ସାହାଯ୍ୟ କରିବା ପାଇଁ ଆଗକୁ ଆସିଥିଲେ । ରିତେଶଙ୍କ ପରେ ଏବେ ବଲିଉଡ ମହାନାୟକ ଅମିତାଭ ବଚ୍ଚନ ମହାରାଷ୍ଟ୍ର ବନ୍ୟା ପିଡିତଙ୍କୁ ସାହାଯ୍ୟ କରିବା ପାଇଁ ଆଗକୁ ଆସିଛନ୍ତି ।
ଅମିତାଭ ବଚ୍ଚନ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡକୁ ୫୧ ଲକ୍ଷ ଟଙ୍କା ଦାନ କରିଛନ୍ତି । ଏହାକୁ ନେଇ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାୱିସ ଟ୍ୱିଟରରେ ଅମିତାଭ ବଚ୍ଚନଙ୍କୁ ଧନ୍ୟବାଦ ଜଣାଇଛନ୍ତି ।
Thank you Amitabh Bachchan ji for your gesture of coming forward & contributing ₹51,00,000 towards #CMReliefFund #MaharashtraFloods
This will inspire many to help & contribute in our rehabilitation efforts for flood affected dists like Kolhapur, Sangli and Satara.@SrBachchan— Devendra Fadnavis (@Dev_Fadnavis) August 19, 2019
ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାୱିସ ଟ୍ୱିଟ କରି ଲେଖିଛନ୍ତି, ‘ବନ୍ୟା ପିଡିତଙ୍କୁ ସାହାଯ୍ୟ କରିବା ପାଇଁ ଆଗକୁ ଆସିଥିବାରୁ ଏବଂ ସିଏମ ରିଲିଫ ଫଣ୍ଡକୁ ୫୧ ଲକ୍ଷ ଦାନ କରିବାରୁ ଧନ୍ୟବାଦ ଅମିତାଭ ବଚ୍ଚନ ଜୀ । ଆପଣଙ୍କ ଏହି ପଦକ୍ଷେପ କୋହ୍ଲାପୁର, ସାଙ୍ଗଳୀ ଏବଂ ସତାରା ପରି ବନ୍ୟା ପ୍ରଭାବିତ ଜିଲ୍ଲାର ପୂର୍ଣ୍ଣଗଠନ କରିବାରେ ଆମର ଯେଉଁ ପ୍ରୟାସ ରହିଛି ସେଥିରେ ଅନେକ ଯୋଗଦାନ କରିବା ପାଇଁ ଲୋକଙ୍କୁ ପ୍ରେରଣା ଦେବ ।’
ଆପଣଙ୍କୁ କହିରଖୁଛୁ ଯେ, ପୂର୍ବରୁ ବନ୍ୟା ପଡିତଙ୍କୁ ସାହାଯ୍ୟ କରିବା ପାଇଁ ଅଭିନେତା ରିତେଶ ଦେଶମୁଖ ଏବଂ ତାଙ୍କ ପତ୍ନୀ ଜେନେଲିଆ ମୁଖ୍ୟମନ୍ତ୍ରୀଙ୍କୁ ଭେଟି ୨୫ ଲକ୍ଷ ଦାନ କରିଥିଲେ । ଏହା ପରେ ମୁଖ୍ୟମନ୍ତ୍ରୀ ଟ୍ୱିଟ କରି ଦୁହିଁଙ୍କୁ ଧନ୍ୟବାଦ ଜଣାଇଥିଲେ ।