ଫାଦର ଅଫ ନେସନ ନାମରେ ବିଖ୍ୟାତ ମହାତ୍ମା ଗାନ୍ଧୀ ନିଜ ଜୀବନରେ ଅନେକ ଜିନିଷକୁ ପସନ୍ଦ କରୁଥିଲେ । ମାତ୍ର ତାଙ୍କୁ ସିନେମା ବିଲକୁଲ ପସନ୍ଦ ନଥିଲା । ଏହା ପରେ ମଧ୍ୟ ସେ ନିଜ ଜୀବନରେ ମାତ୍ର ଦୁଇଟି ଫିଲ୍ମ ଦେଖିଥିଲେ । ସେ ପ୍ରଥମେ ୧୯୪୩ରେ ମିଶନ ଟୁ ମସ୍କୋ ଫିଲ୍ମ ଦେଖିଥିଲେ । ଇଣ୍ଡଷ୍ଟ୍ରୀଆଲିଷ୍ଟ ଶାନ୍ତି କୁମାର ମୋରାରଜୀଙ୍କ ଅନୁସାରେ ଗାନ୍ଧୀଙ୍କ ଆସୋସିଏଟ ମୀରାବେନ, ଗାନ୍ଧୀଙ୍କୁ ଏହି ଫିଲ୍ମ ଦେଖିବା ପାଇଁ ମନାଇଥିଲେ । ଗାନ୍ଧୀ ସେହି ସମୟରେ ଆଗା ଖାନ ଜେଲରୁ ବାହାରି ନରୋତ୍ତମ ମୋରାରଜୀଙ୍କ ଫ୍ୟାମିଲି ବଙ୍ଗଳା କମ୍ପାଉଣ୍ଡରେ ରହୁଥିଲେ ।
ଗୋଟିଏ ଦିନ କମ୍ପାଉଣ୍ଡରେ ପୋଲ୍ସ ଲଗାଇବା କାମ ଚାଲୁଥିଲା । ଏବଂ ବିଜୁଳୀ କନେକ୍ସନ କରିବାର ବ୍ୟବସ୍ଥା କରାଯାଉଥିଲା । ସ୍ଥାନୀୟ ମୁନିସିପାଲିଟିଙ୍କ ଠାରୁ ଅନୁମତି ନେଇ ଏହି କାମ କରାଯାଇଥିଲା ଯେପରି ଗାନ୍ଧୀଙ୍କୁ ଫିଲ୍ମ ଦେଖାଯାଇପାରିବ । ଏହି ଶୋ’ ୨୧ ମାର୍ଚ୍ଚ ୧୯୪୪ରେ ରଖାଯାଇଥିଲା । ଏହି ଫିଲ୍ମ ୟଏସ ଆମ୍ବାସାଡର ଜୋସେଫ ଡେବିସଙ୍କ ଜୀବନ ଉପରେ ଆଧାରିତ ଥିଲା । କିନ୍ତୁ ଫିଲ୍ମରେ ମହିଳା ମାନେ କମ କପଡା ପିନ୍ଧିô୍ବାରୁ ଗାନ୍ଧୀ ଖୁବ ରାଗିଥିଲେ ଏବଂ ସମସ୍ତଙ୍କୁ ଗାଳି କରିଥିଲେ ।
ଏହି ଶୋ’ପରେ ଆର୍ଟ ନିର୍ଦ୍ଦେଶକ କନ୍ନୁ ଦେଶାଇ ଗାନ୍ଧୀଙ୍କ ଏକ ହିନ୍ଦୀ ଫିଲ୍ମ ଦେଖାଇବା ପାଇଁ ମନାଇଥିଲେ । ଏହି ଫିଲ୍ମର ନାମ ଥିଲା ରାମ ରାଜ୍ୟ । ଏହି ଫିଲ୍ମକୁ ବିଜୟ ଭଟ୍ଟ ପ୍ରଡ୍ୟୁସ କରିଥିଲେ । ଶାନ୍ତି କୁମାର ଏହି ଫିଲ୍ମ ଦେଖିଥିଲେ ଏବଂ ସେ ଅନୁମାନ କରୁଥିଲେ ଏହି ଫିଲ୍ମ ଗାନ୍ଧୀଙ୍କୁ ପସନ୍ଦ ଆସିବ ନାହିଁ । ସେତେବେଳେ ଗାନ୍ଧୀ କହିଥିଲେ ମୋତେ ଏବେ ଏକ ହିନ୍ଦୀ ଫିଲ୍ମ ଦେଖିବାକୁ ପଡିବ କାରଣ ମୁଁ ଗୋଟିଏ ଇଂଗ୍ରାଜୀ ଫିଲ୍ମ ଦେଖିବାର ଭୁଲ କରିଛି ।
ଗାନ୍ଧୀ ‘ରାମ ରାଜ୍ୟ’ ଫିଲ୍ମ ଦେଖିବା ପାଇଁ ୨ ଜୁନ ୧୯୪୪ରେ ଏକ ଶୋ’ର ଆୟୋଜନ କରାଯାଇଥିଲା । କୁହାଯାଏ ଯେ ଗାନ୍ଧୀ କେବଳ ଏହି ଫିଲ୍ମକୁ ଅଧ ଘଣ୍ଟା ଦେଖିବା ପାଇଁ ପ୍ଲାନ କରିଥିଲେ ମାତ୍ର ଫିଲ୍ମ ଦେଖିବା ପରେ ସେ ପୂରା ଫିଲ୍ମ ଦେଖିଥିଲେ । ଶାନ୍ତିଙ୍କ ଅନୁସାରେ ଏହି ଫିଲ୍ମ ମଧ୍ୟ ଗାନ୍ଧୀଙ୍କୁ ପସନ୍ଦ ଆସିନଥିଲା ।
ଗାନ୍ଧୀଙ୍କ ଅନୁସାରେ ଫିଲ୍ମକୁ ମୋରାଲ ଟିଚିଂ ପାଇଁ ବ୍ୟବହାର କରାଯାଇପାରିବ ନାହିଁ । ଏକ ବନ୍ଦ କୋଠରୀରେ ବସି ଫିଲ୍ମ ଦେଖିବା ତାଙ୍କୁ ପସନ୍ଦ ନଥିଲା । ତାଙ୍କ ମତରେ ଫିଲ୍ମ ଓପନିଂ ଥିଏଟରରେ ଦେଖିବା କଥା । ଏପରିକି ଖବର କାଗଜରେ ହିରୋ ହିରୋଇନ ଙ୍କ ଫଟୋକୁ ମଧ୍ୟ ସେ ଆଲୋଚନା କରୁଥିଲେ । ଫିଲ୍ମକୁ ଗାନ୍ଧୀ ପସନ୍ଦ କରୁନଥିଲେ ମଧ୍ୟ ସେ ମ୍ୟୁଜିକକୁ ଖୁବ ପସନ୍ଦ କରୁଥିଲେ । କୋଲକାତାର ଜୁଥିକା ରାୟଙ୍କ ଭଜନ ଶୁଣିବା ଗାନ୍ଧୀଙ୍କୁ ଖୁବ ପସନ୍ଦ ଥିଲା ।
