Only for Entertainment

ରିଲିଜ ହେଲା ମର୍ଦ୍ଦ ମରାଠା ଗୀତର ମେକିଂ ଭିଡିଓ, ପରଦା ପଛର ଅନୁଭୂତି ବଖାଣିଲେ କଳାକାର

DNA India
9

ଜବରଦସ୍ତ ଗୀତ ଭେଟି ଦେବାପରେ ଏବେ ଏହାର ମେକିଂ ଭିଡିଓ ଜାରି କରିଛନ୍ତି ଆଗାମୀ ଫିଲ୍ମ ‘ପାନିପଥ’ର ମେକର । ଗତ କିଛି ଦିନ ଆଗରୁ ରିଲିଜ ହୋଇଥିଲା ସିନେମାର ସ୍ଥାନ ପାଇବାକୁ ଥିବା ଡ୍ୟାନ୍ସ ଗୀତ ‘ମର୍ଦ୍ଦ ମରାଠା’ । ଏବେ ଏହାର ମେକିଂ ଭିଡିଓ ଜାରି କରି, ସୁଟିଂ ସମୟର ସବୁ ଟିକ ନିକ ଖବର ପ୍ରଶଂସକଙ୍କ ସହ ସେୟାର କରିଛନ୍ତି ।

ବିଶାଳ ସେଟ୍, ଲିଡ୍ କଳାକାରଙ୍କ ସହ ଶତାଧିକ ସାଇଡ୍ ଆର୍ଟିଷ୍ଟ । ଏ ହେଉଛି ଆଗାମୀ ଚଳଚ୍ଚିତ୍ର ‘ପାନିପଥ’ର ‘ମର୍ଦ୍ଦ ମରାଠା’ ଗୀତର ସୁଟିଂ ସେଟ । ଦେଖନ୍ତୁ ସୁଟିଂ ସମୟର ଏହି ଦୃଶ୍ୟକୁ । ନିର୍ଦ୍ଦେଶକ ଆଶୁତୋଷ ଗୱାରେକରଙ୍କ ନିର୍ଦ୍ଦେଶନାରେ ଚାଲିଛି ଏଠି ଗୀତର ସୁଟିଂ । ଶତାଧିକ ଡ୍ୟାନ୍ସରଙ୍କୁ ନେଇ ଗୀତକୁ ସଠିକ୍ ଭାବେ ସୁଟ କରିବା ପାଇଁ ପୁରା ଦମ୍ରେ ଲାଗିଛନ୍ତି ପାନିପଥ ଟିମ୍ ।

ଅନ୍ୟପଟେ ଦେଖନ୍ତୁ ଗୀତ ରେକର୍ଡିଂ ସମୟର ଦୃଶ୍ୟ । ସଙ୍ଗୀତ ନିର୍ଦ୍ଦେଶକ ଅଜୟ – ଅତୁଲଙ୍କ ଉପଯୋଗୀ ସଂଯୋଜନା ଏହି ଗୀତଟିକୁ କରିଛି ପ୍ରଭାବଶାଳୀ । କୋରସ ଗାୟକଙ୍କ ସହ ଅଜୟ, ଅତୁଲ, ସୁଧେଷ ବୋସଲେ, କୁନାଲ ଗାଂଜାୱାଲା, ସ୍ୱପ୍ନିଲ ବନ୍ଦୋଦକର ଏବଂ ପଦ୍ମନାଭ ଗାଏକୱାଡଙ୍କ ଆକର୍ଷଣୀୟ ଗାୟିକି ଗୀତରେ ଶୁଣିବାକୁ ମିଳିଛି । ଆଉ ବେଶ ସୁନ୍ଦର ଭାବେ ଏହି ଗୀତକୁ ପ୍ରସ୍ତୁତ କରିଛନ୍ତି ଅଜୟ – ଅତୁଲ ।

ଫିଲ୍ମ ପାନିପଥ, ତୃତୀୟ ପାନିପଥ ଯୁଦ୍ଧକୁ ନେଇ ଗତିଶୀଳ ହୋଇଛି । ସିନେମାରେ ଅର୍ଜୁନ କପୁର, କ୍ରିତି ସାନୋନ, ସଂଜୟ ଦତଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ସିନେମାରେ ସଦାଶିବ ରାଓ ଭାଉ ଚରିତ୍ରରେ ଅଭିନୟ କରିଛନ୍ତି ଅର୍ଜୁନ କପୁର । ୧୭୬୧ ମସିହାର ଏହି ସତ୍ୟ ଘଟଣାକୁ ନେଇ ପ୍ରସ୍ତୁତ ହୋଇଥିବା ଚଳଚ୍ଚିତ୍ର ପାନିପଥକୁ ପରଦାରେ ଦର୍ଶକ କେତେଦୁର ପସନ୍ଦ କରିବେ ତାହା ସିନେମା ରିଲିଜ ହେଲା ପରେ ହିଁ ଜଣା ପଡିବ । ୬ ଡିସେମ୍ବରରେ ମୁକ୍ତିଲାଭ କରିବ ଚଳଚ୍ଚିତ୍ର ପାନିପଥ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More