Only for Entertainment

ନିଞ୍ଜା ୱାରିଅର ଭୂମିକାରେ ରାଧିକା ମଦାନ, ରିଲିଜ ହେଲା ଫିଲ୍ମର ନୂଆ ପୋଷ୍ଟର

insta pic of radhika madan
9

‘ମାମି ଚଳଚ୍ଚିତ୍ର ମହୋତ୍ସବ’ରେ ମୁକ୍ତିଲାଭ କରିସାରିଥିବା ରୋନି ସ୍କ୍ରୁୱାଲାଙ୍କ ଫିଲ୍ମ ‘ମର୍ଦ କୋ ଦର୍ଦ ନହିଁ ହୋତା’ ଚଳିତ ମାସ ଶେଷ ଭାଗରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ‘ମିଡନାଇଟ ମାଡନେସ’ ପୁରସ୍କାର ପାଇ ସାରିଥିବା ହାସ୍ୟ ରସଧର୍ମୀ ଫିଲ୍ମଟି ଏବେ ଚର୍ଚ୍ଚାରେ । ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ରାଧିକା ମଦାନଙ୍କ ସହ ନବାଗତ ଅଭିମନ୍ୟୁ ଦାସାନୀ ଯେ କି ମୈନେ ପ୍ୟାର କିୟାର ପ୍ରସିଦ୍ଧ ଅଭିନେତ୍ରୀ ଭାଗ୍ୟଶ୍ରୀଙ୍କ ପୁଅ ।

 

ଫିଲ୍ମରେ ରାଧିକା ବ୍ଲାକ ବେଲ୍ଟ ନିଞ୍ଜା ୱାରିଅର ‘ସୁପରୀ’ ଭୂମିକାରେ ନଜର ଆସିବେ । ପଟାଖା ପରେ ରାଧିକାଙ୍କର ଏହା ଦ୍ୱିତୀୟ ଫିଲ୍ମ । ନିକଟରେ ଫିଲ୍ମର ପୋଷ୍ଟର ରିଲିଜ ହୋଇଥିଲା । ଯେଉଁଥିରେ ରାଧିକାଙ୍କୁ ଭିନ୍ନ ଲୁକରେ ଦେଖିବାକୁ ମିଳିଥିଲା । ଟମ ବୟ ସ୍ୱଭାବର ରାଧିକା ନିଜ ପ୍ରଥମ ଫିଲ୍ମରେ ମଧ୍ୟ ସେହିପରି ଭୂମିକାରେ ନଜର ଆସିଥିଲେ । ଯେ କେବଳ କଳି ଝଗଡାରେ ଲିପ୍ତ ରହୁ ଥିଲେ । ତେବେ ନିଞ୍ଜା କିମ୍ବା କୌଣସି ସାମରିକ କଳାକୁ ନେଇ ପରଦାରେ ଅଭିନୟ କରିବା ତାଙ୍କ ପାଇଁ ନୂଆ । ସୁଟିଂ ପୂର୍ବରୁ ରାଧିକା ଏହା ଉପରେ କଠିନ ତାଲିମ ନେଇଛନ୍ତି ବୋଲି ଶୁଣିବାକୁ ମିଳିଛି । ଫିଲ୍ମ ୨୧ ମାର୍ଚ୍ଚରେ ପରଦାକୁ ଆସିବ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More