ବିବାହ ପାଇଁ ଇଂଟରନେଟରେ ପ୍ରସ୍ତାବ ଖୋଜୁଛନ୍ତିକି,ଜୋଶରେ ଆସି କରନ୍ତୁ ନାହିଁ ଏହି କାମ । ପଶ୍ଚାତାପ କରିପାରନ୍ତି ।
ଅନଲାଇନ ସପିଂ ଠାରୁ ଆରମ୍ଭ କରି ଅନଲାଇନରେ ବର କନ୍ୟା ମଧ୍ୟ ଖୋଜା ହେଉଛି । ତେବେ ଏହାର ଯେତିକି ଫାଇଦା ଅଛି ସେତିକି କ୍ଷତି ମଧ୍ୟ । ମ୍ୟାଟିମୋନିଆଲ ସାଇଟକୁ ନେଇ ଧୋକା ଓ ବ୍ଲାକମେଲିଂ ଆଦି କ୍ରାଇମ ନଜର ଆସୁଛି । ତେବେ ଏହି କ୍ଷେତ୍ରରେ ଝିଅମାନେ ସାବଧାନ ରହିବା ଉଚିତ ।
ଯଦି ଆପଣଙ୍କୁ କାହାର ପ୍ରୋଫାଇଲ ଭଲ ଲାଗୁଛି ଏବଂ ଆପଣ କଥା ହେବା ଆରମ୍ଭ କରି ଦେଇଛନ୍ତି ତେବେ ବ୍ୟକ୍ତିଗତ ତଥ୍ୟ ଖୁବଶୀଘ୍ର ସେୟାର କରନ୍ତୁ ନାହିଁ । ସମସ୍ତ କଥା ତଦାରଖ ପରେ ଏହା କରିପାରିବେ ।
ଯଦି ସାକ୍ଷାତ କରିବା ପାଇଁ ଆଲୋଚନା କରୁଛନ୍ତି ତେବେ ଠିକ ସ୍ଥାନ ବାଛନ୍ତୁ । ସାଙ୍ଗରେ କୌଣସି ବନ୍ଧୁ ବା ସଂପର୍କୀୟଙ୍କୁ ନେଇ ଯାଆନ୍ତୁ ।
କେବେ ମଧ୍ୟ ଭାବନ୍ତୁ ନାହିଁଯେ ସାମ୍ନା ଲୋକ ଯେଉଁ ସୂଚନା ଦେଇଛି ତାହା ଠିକ । ଯାଂଚ ନିହାତି ଭାବରେ କରନ୍ତୁ । ପରିବାର ଏବଂ ସାଙ୍ଗସାଥିଙ୍କ ବିଷୟରେ ତଥ୍ୟ ସଂଗ୍ରହ କରନ୍ତୁ ।
ସମସ୍ତ କଥା ଜାଣିସାରିବା ପରେ ଘର ଲୋକଙ୍କୁ ଜଣାନ୍ତୁ । ନଚେତ ଏହା ପୂର୍ବରୁ ମଧ୍ୟ ଘର ଲୋକଙ୍କ ସହାୟତା ନେଇପାରିବେ ।
