କ୍ଷୀର ସ୍ବାସ୍ଥ୍ୟ ପାଇଁ ଲାଭଦାୟକ। କାରଣ ଏଥିରେ ରହିଛି କ୍ୟାଲସିୟମ, ଭିଟାମିନ୍ ଡି ଓ ଫସ୍ଫରସ୍ ଯାହା ଶରୀର ପାଇଁ ଆବଶ୍ୟକ ହୋଇଥାଏ। ହେଲେ ଏହି କ୍ଷୀର ସହ କିଛି ଜିନିଷ ମିଶାଇ ଖାଇଲେ ଏହାର କୁପ୍ରଭାବ ଶରୀର ଉପରେ ପଡିଥାଏ ବୋଲି ଆୟୁର୍ବେଦ ବିଶେଷଜ୍ଞମାନେ କହିଛନ୍ତି।
-କ୍ଷୀର ସହ ଲୁଣ ବା ଲୁଣ ଜାତୀୟ ଖାଦ୍ୟ ଖାଇବା ଅନୁଚିତ୍। କାରଣ କ୍ଷୀର ସହ ଲୁଣ ମିଶିଲେ ଏହା ହଜମ ଶକ୍ତିକୁ ପ୍ରଭାବିତ କରିଥାଏ। ଅନ୍ୟପଟେ କ୍ଷୀର ପିଇବାର ଏକ ଘଣ୍ଟା ପୂର୍ବରୁ ଓ ଏକ ଘଣ୍ଟା ପରେ କୌଣସି ଖାଦ୍ୟ ନ ଖାଇବା ଭଲ। -ଖାଲି ପେଟରେ କ୍ଷୀର ପିଇବା କଥା ନୁହେଁ। କାରଣ ଖାଲି ପେଟରେ କ୍ଷୀର ପିଇଲେ ହଜମ ଶକ୍ତି ପ୍ରଭାବିତ ହେବା ସହ କୋଷ୍ଠ କାଠିନ୍ୟ ସମସ୍ୟା ଦେଖାଦେଇଥାଏ। ଏହାସହ ଆଉ କିଛି ପେଟ ସମସ୍ୟା ମଧ୍ୟ ଦେଖାଦିଏ। -କ୍ଷୀର ସହ ମାଛ ଖାଇବା ଭଲ ନୁହେଁ। କ୍ଷୀର ଖାଇବା ପରେ ବା ପୂର୍ବରୁ ମଧ୍ୟ ମାଛ ଖାଇଲେ ଏହା ଶରୀରରେ କୁପ୍ରଭାବ ପକାଇଥାଏ। କାରଣ କ୍ଷୀର ସହ ମାଛ ଖାଇବା ଦ୍ୱାରା ସମସ୍ତ ପ୍ରକାର ଚର୍ମରୋଗ ସୃଷ୍ଟି ହୋଇଥାଏ। -କ୍ଷୀର ପିଇବା ପୂର୍ବରୁ ଅବା ପରେ ଖଟା ଜାତୀୟ ଖାଦ୍ୟ ଖାଇବା ଭଲ ନୁହେଁ।
