ଟଲିଉଡ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଚେହେରା ହେଉଛନ୍ତି ନାଗାର୍ଜୁନ ଅକିନେନି । ତେଲୁକୁ ବିଗବସ ୩’ରେ ହୋଷ୍ଟ କରୁଥିବା ପ୍ରସିଦ୍ଧ ଅଭିନେତା ନାଗାର୍ଜୁନ ଖୁବଶୀଘ୍ର ଫିଲ୍ମ ମନମଧୁଦୁ ଟୁ’ରେ ନଜର ଆସିବେ । ଯେଉଁଥିପାଇଁ ଜବରଦସ୍ତ ପ୍ରମୋଶନ ଆରମ୍ଭ କରି ସାରିଲେଣି ଏହି ଟଲିଉଡ ଆକ୍ଟର । ନିକଟରେ ଫିଲ୍ମର ଟ୍ରେଲର ରିଲିଜ ହୋଇଥିଲା ଏବଂ ଦର୍ଶକ ଏହାକୁ ଯଥେଷ୍ଟ ପସନ୍ଦ ମଧ୍ୟ କରିଛନ୍ତି ।
ସୋସିଆଲ ମିଡିଆରେ ଫିଲ୍ମର ଟ୍ରେଲରକୁ ନେଇ ବେଶ୍ ଚର୍ଚ୍ଚା ମଧ୍ୟ ଚାଲିଥିଲା । ତେବେ ନିକଟରେ ଫିଲ୍ମର ପ୍ରମୋଶନ ସମୟରେ ନାଗାର୍ଜୁନ ଏକ କଥାର ଖୁଲାସା କରିଛନ୍ତି । ତାଙ୍କ କହିବା ଅନୁସାରେ ଫିଲ୍ମ ଗୀତାଞ୍ଜଳି’ର ସୁଟିଂ ସମୟରେ ଏକ ଦୀର୍ଘ ସମୟର କିସିଂ ଦୃଶ୍ୟ ଥିଲା । ତେବେ ସୁଟିଂ ପୂର୍ବରୁ ନାଗାର୍ଜୁନ ତାଙ୍କ ବାପାଙ୍କୁ କହିଲେଯେ ଏହାର ଏକ ଦୃଶ୍ୟରେ ଲମ୍ବା ସମୟର ଏକ କିସିଂ ଦୃଶ୍ୟ ଅଛି । ଯେଉଁଥିରେ ଅଟକିବାର ନାହିଁ । ତେବେ ଦୃଶ୍ୟ ସୁଟିଂ ସରିବା ପରେ ନାଗାର୍ଜୁନଙ୍କ ବାପା ଯାହା କହିଲେ କେହି ମଧ୍ୟ ବିଶ୍ୱାସ କରିବେ ନାହିଁ । ତାଙ୍କ ବାପା କହିଲେ ଫିଲ୍ମରେ ଥିବା ସମସ୍ତ ଦୃଶ୍ୟ ମଧ୍ୟରୁ ଏହା ହେଉଛି ସବୁଠାରୁ ବେଷ୍ଟ ସିନ ।
ଫିଲ୍ମରେ ନାଗାର୍ଜୁନଙ୍କ ବ୍ୟତୀତ ରକୁଲ ପ୍ରୀତ ନଜର ଆସିବେ । ଫିଲ୍ମ ୯ ଅଗଷ୍ଟକୁ ସିନେମାଘରେ ରିଲିଜ ହେବ ।