ମୋଟା ବଏଫ୍ରେଣ୍ଡ ପାଇଁ ଟ୍ରୋଲ ହେଲେ ନେହା ପେଣ୍ଡସେ
ପ୍ରସିଦ୍ଧ ଟିଭି ଅଭିନେତ୍ରୀ ଏବଂ ବିଗବସରେ ନଜର ଆସିଥିବା ନେହା ପେଣ୍ଡସେ ‘ମେ ଆଇ କମ ଇନ ମ୍ୟାଡାମ’ କମେଡ଼ି ଶୋ ମାଧ୍ୟମରେ ପ୍ରତି ଘରେ ଘରେ ପରିଚିତ ହୋଇଥିଲେ । ଖବର ଅନୁସାରେ ସେ ତାଙ୍କ ଲଙ୍ଗ ଟାଇମ ବଏଫ୍ରେଣ୍ଡ ଶାର୍ତୁଲ ସିଂଙ୍କୁ ବିବାହ କରିବାକୁ ଯାଉଛନ୍ତି । ନିକଟ ଅତୀତରେ ସେ ତାଙ୍କ ବଏଫ୍ରେଣ୍ଡ ସହିତ ଫଟୋ ଶେୟାର କରି ଫ୍ୟାନ୍ସଙ୍କ ସହିତ ଇଂଟ୍ରୋଡ୍ୟୁସ କରିଥିଲେ । କିନ୍ତୁ ଶାର୍ତୁଲଙ୍କ ଓଜନ ବୃଦ୍ଧି ଯୋଗୁଁ ନେହାଙ୍କୁ ଟ୍ରୋଲ କରୁଛନ୍ତି । ଏବେ ନେହା ଟ୍ରୋଲର୍ସଙ୍କୁ କଡ଼ା ଜୱାବ ଦେଇଛନ୍ତି ।
ବମ୍ବେ ଟାଇମ୍ସକୁ ଦେଇଥିବା ଇଂଟରଭ୍ୟୁରେ କହିଛନ୍ତିଯେ ଏହା ପୂର୍ବରୁ ମଧ୍ୟ ଏହିଭଳି ହୋଇଛି । ମୁଁ ମେ ଆଇ କମ ଇନ ମ୍ୟାଡାମ ସୁଟିଂ କରୁଥିବା ସମୟରେ ଓଜନ ବଢି ଯାଇଥିଲା ଏବଂ ମୋତେ କିଛି ଜଣ ଟ୍ରୋଲ କରିଥିଲେ । ଦର୍ଶକ ଭାବରେ କମେଂଟ କରିପାରିବେ, କିନ୍ତୁ ଟାର୍ଗେଟ କରିପାରିବେ ନାହିଁ । ଏହା ସହିତ ନେହା କହିଛନ୍ତି ହୋଇପାରେ କେହି ଫିଜିକଲ ବା ଅନ୍ୟ କୌଣସି ଶରୀର ଅସୁସ୍ଥତାକୁ ନେଇ ଚିନ୍ତାରେ ରହୁଥାଇପାରେ । ଏଭଳିକି ସେ ଏଂଟରଟେନମେଂଟ ଇଣ୍ଡଷ୍ଟ୍ରି ସହିତ ଜଡ଼ିତ ନାହାଁନ୍ତି, ତେଣୁ ତାଙ୍କ ଓଜନକୁ ନେଇ କମେଂଟ କରିବା ନିହାତି ନିନ୍ଦାଜନକ ।