ପ୍ରିୟଙ୍କାଙ୍କୁ ଛାଡି ଆମେରିକା ଗଲେ ନିକ୍ । ଇଶାଙ୍କ ବିବାହ ପରେ ଆଜି ଆମେରିକା ଫେରିଛନ୍ତି ନିକ୍ । ନିକଙ୍କୁ ବିଦାୟ ଦେବା ସମୟରେ ଦୁଃଖିତ ଥିବା ନଜର ଆସିଥିଲେ ପ୍ରିୟଙ୍କା ।
ଏପଟେ ବିବାହ ପରେ ନିକ୍ ଙ୍କ ସହ ଅଧିକ ସମୟ ବିତାଇପାରି ନଥିବାରୁ ସେ ଦୁଃଖରେ ଥିବା ଜଣା ପଡିଛନ୍ତି । ଗତ ଡିସେମ୍ବର ୨ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ । ବିବାହ ପରେ ସୁଟରେ ବ୍ୟସ୍ତ ଥିବାରୁ ନିକଙ୍କ ସହ ସମୟ ବିତାଇ ପାରି ନଥିଲେ ଦେଶୀଗର୍ଲ ।
ଏଠାରେ ଆମେ କହି ରଖୁଛୁ ଯେ, ନିକଟରେ ନିକ-ପ୍ରିୟଙ୍କା ଓମାନକୁ ହନିମୁନରେ ଯାଇଥିଲେ । ଓମାନରୁ ଫେରି ଇଶାଙ୍କ ବିବାହରେ ଯୋଗଦେଇଥିଲେ ପତିପତ୍ନୀ ।
ତେବେ ୧୯ ଓ ୨୦ ଡିସେମ୍ବରରେ ସେମାନେ ମୁମ୍ବାଇରେ ଆଉ ଦୁଇଟି ପାର୍ଟି ଦେବେ ବୋଲି ଜଣାପଡିଛି । ୧୯ରେ ଥିବା ପାର୍ଟିରେ ବନ୍ଧୁ ସମ୍ପର୍କୀୟ ସାମିଲ ହେବେ । ସେହିପରି ୨୦ରେ ରଖିଥିବା ପାର୍ଟିରେ ବଲିଉଡ ଷ୍ଟାରକାଷ୍ଟଙ୍କୁ ଦେଖିବାକୁ ମିଳିବ ।