ତେଲୁଗୁ ଫିଲ୍ମର ଅଫର ଛାଡିଥିଲେ ଭୂମିକା, ଜାଣନ୍ତୁ ଏହା ପଛର କାରଣ
ଶିଶୁ କଳାକାର ଭାବେ ଅଭିନୟ ଜଗତରେ ପାଦ ରଖିଥିବା ଭୂମିକା ଏବେ ନାୟିକା ଭାବେ ଓଲିଉଡରେ ନିଜର ସ୍ଥାନ ସୁଦୃଢ଼ କରିସାରିଛନ୍ତି । ପ୍ରଥମଥର ପାଇଁ ଫିଲ୍ମ ‘ତୁ ମୋ ଲଭ୍ ଷ୍ଟୋରୀ’ରେ ପ୍ରଥମେ ନାୟିକା ଭାବେ ନଜର ଆସିଥିଲେ ଭୂମିକା । ତେବେ ତାଙ୍କ ଅଭିନୟକୁ ଖୁବ୍ ପସନ୍ଦ ମଧ୍ୟ କରିଥିଲେ ଦର୍ଶକ । ଏହାପରେ ସେ ନଜର ଆସିଥିଲେ ବାବୁସାନ୍ଙ୍କ ସହ ଫିଲ୍ମ ‘ହିରୋ ନମ୍ବର ୱାନ୍’ରେ । ଏହାପରେ ସେ ନଜର ଆସିଥିଲେ ‘ଶୀମାନ୍ ସୁରଦାସ’, ‘ନାୟକର ନାଆଁ ଦେବଦାସ’ ଏବଂ ‘ତୁ ମୋ ଲଭ୍ ଷ୍ଟୋରୀ-୨’ରେ ।
ହେଲେ ଆପଣ କ’ଣ ଜାଣନ୍ତି ଯେ, ଭୂମିକାଙ୍କୁ ଏକ ତେଲୁଗୁ ଫିଲ୍ମର ଅଫର ମିଳିଥିଲା । ହଁ ଏହା ସତ ଯେ, ଜଣେ ତେଲୁଗୁ ଫିଲ୍ମର ନିର୍ମାତା ଫିଲ୍ମ ପାଇଁ ପ୍ରସ୍ତାବ ନେଇ ତାଙ୍କ ଘରକୁ ମଧ୍ୟ ଅସିଥିଲେ । କିନ୍ତୁ ଦୁର୍ଭାଗ୍ୟବଶତଃ ନିଜର ପରୀକ୍ଷା ପାଇଁ ଫିଲ୍ମଟିକୁ ଭୂମିକାଙ୍କୁ ଛାଡ଼ିବାକୁ ପଡ଼ିଥିଲା । ଅବଶ୍ୟ ଏହି ପ୍ରସ୍ତାବ ତାଙ୍କୁ ପ୍ରାୟ ବର୍ଷକ ତଳେ ମିଳିଥିଲା । ଏବେ ପୁଣି କେବେ ଭୂମିକା ନୂଆ ସିନେମା ସାଇନ୍ କରିବେ ତାହା ଉପରେ ନଜର ରହିଛି ।
