ଆଉ ନାହାଁନ୍ତି ଓଡ଼ିଆ ଫିଲ୍ମ ନିର୍ଦ୍ଦେଶକ ମନମୋହନ ମହାପାତ୍ର
ଜାତୀୟ ପୁରସ୍କାରପ୍ରାପ୍ତ ଓଡ଼ିଆ ଫିଲ୍ମ ନିର୍ଦ୍ଦେଶକ ମନମୋହନ ମହାପାତ୍ର ଆଜି ସୋମବାରକୁ ୬୯ ବର୍ଷ ବୟସରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି ।
ମନମୋହନ ଶୀତରାତି, ଭିନ୍ନ ସମୟ, କ୍ଲାନ୍ତ ଅପରାହ୍ନ, ନୀରବ ଝଡ଼, ମଝି ପାହାଚ ଭଳି ୮ଟି ଫିଲ୍ମ ପାଇଁ ଜାତୀୟ ପୁରସ୍କାର ପାଇଥିଲେ । ଶୀତରାତି ମନମୋହନଙ୍କର ପ୍ରଥମ ଓଡ଼ିଆ ଫିଲ୍ମ ଯାହା ୧୯୭୬ ମସିହାରେ ରିଲିଜ ହୋଇଥିଲା ଏବଂ ୧୯୮୨ ଇଂଟରନେସନାଲ ଫିଲ୍ମ ଫେଷ୍ଟିଭାଲରେ ପ୍ରଦର୍ଶନ ହୋଇଥିଲା । ଡିସେମ୍ବର ୨୦୧୯ରେ ମନମୋହନ ‘ଭିଜା ମାଟିର ସ୍ୱର୍ଗ’ ପାଇଁ ବେଷ୍ଟ ଡାଇରେକ୍ଟର ଆୱାର୍ଡ଼ ପାଇଥିଲେ ।
କେବଳ ଓଡ଼ିଆ ନୁହେଁ ବରଂ ହିନ୍ଦୀ ଭାଷାରେ ‘ବିଟ୍ସ ଆଣ୍ଡ ପିସେସ୍’ ଫିଲ୍ମ ନିର୍ମାଣ କରିଥିଲେ ମନମୋହନ । ତେବେ ତାଙ୍କର ଏହି ସମସ୍ତ ଫିଲ୍ମ ଓଡ଼ିଆ ଫିଲ୍ମ ଇଣ୍ଡଷ୍ଟ୍ରିକୁ ଏକ ଅପୂରଣୀୟ ଦାନ ।