ପୁଣି ବିବାଦରେ ଗାୟିକା ସୋନା ମହାପାତ୍ର । ଲୋକପ୍ରିୟ ଜଣାଣ ‘ଆହେ ନୀଳ ଶୈଳ’ ଗୀତକୁ ନେଇ ଏହି ବିବାଦ ଦେଖାଦେଇଛି । ‘ ଆହେ ନୀଳ ଶୈଳ’ ଗୀତକୁ ସୋନା ମହାପାତ୍ର କଦର୍ଥ କରିଥିବା ଅଭିଯୋଗ ହୋଇଛି । ସାଲବେଗଙ୍କ ରଚିତ ଏହି ଭଜନ କୋଟି କୋଟି ଓଡିଆଙ୍କ ଭାବାବେଗ ସହିତ ଜଡିତ । ଏପରିକି ସୋନା ଏହି ଗୀତରେ ଅନେକ ଶବ୍ଦକୁ ମଧ୍ୟ ବିକୃତ କରିଥିବା ସାମ୍ନାକୁ ଆସିଛି । ଯେପରିକି ସାଲବେଗକୁ ସାଲେବେଗ, ମତ୍ତକୁ ମାତ୍ର, ଚରଣକୁ ଚରଣେ, ଶ୍ରୀଅଙ୍ଗକୁ ଛିରଙ୍ଗା ଆଦି ଭୁଲ ଉଚ୍ଚାରଣ କରିଛନ୍ତି। ଯାହା କୋଟି କୋଟି ଜଗନ୍ନାଥ ପ୍ରେମୀଙ୍କ ମନରେ ଆଘାତ ଦେଇଛି ।
Dear @sonamohapatra we adore you for ur talent & success across the country but plz stop shaming us as an #Odia across the whole globe. ?? #Odisha @PaddyFieldsFest @kanak_news @OdiaCulture @otvnews https://t.co/edpKCwvNGj
— Pinky Pradhan (@pinkyp_actor) June 18, 2018
ସୋନାଙ୍କ ଏହି ଗୀତକୁ ବିରୋଧ କରିଛନ୍ତି ଅଭିନେତ୍ରୀ ତଥା ବିଜେପି ନେତ୍ରୀ ପିଙ୍କି ପ୍ରଧାନ । ପିଙ୍କି ଏହାକୁ ନେଇ ଟ୍ୱିଟ ବି କରିଛନ୍ତି । ଗୀତକୁ କଦର୍ଥ ନ କରିବାକୁ ସେ ଟ୍ୱିଟରେ ଲେଖିଛନ୍ତି । ଗୀତକୁ ସୁଧାରିବାକୁ ସେ ଟ୍ୱିଟରରେ ସୋନାଙ୍କୁ ଅନୁରୋଧ କରିଛନ୍ତି । ପୂର୍ବରୁ ରଙ୍ଗବତୀ ଓ ଏକ ସୁଫି ଗୀତକୁ ନେଇ ବି ବିବାଦରେ ରହିଥିଲେ ସୋନା ମହାପାତ୍ର ।