ପୂଜା ପାଲଟିଛି ସମ୍ପର୍କ ସାଉଁଟିବାର ଅବସର । ନିଜ ନିଜ ସିଡ୍ୟୁଲ୍ ଅନୁଯାୟୀ ସିନେ ତାରକା ବର୍ଷତମାମ୍ ବ୍ୟସ୍ତ ରହୁଥିବା ବେଳେ ଦଶହରା ବେଳେ ପରସ୍ପରକୁ ସାକ୍ଷାତ କରି ବନ୍ଧନକୁ ମଜବୁତ୍ କରୁଛନ୍ତି । ସମୁଦାୟ ଭାବେ ପାର୍ବଣ ଯେଭଳି ତାରକାଙ୍କ ପାଇଁ ସେହି ଅବସର ଆଣିଦେଇଛି ଯେବେ ଫୁର୍ସତରେ ଟିକେ ମନଭରି ଜିଇଁ ହେବ ଜୀବନକୁ ।
ଏହି ପୂଜା ଅବସରରେ କେବଳ ବଲିଉଡ ସେଲିବ୍ରିଟି ନୁହଁନ୍ତି ଓଲିଉଡ ତାରକା ମଧ୍ୟ ପୂଜା ମଣ୍ଡପ ବୂୁଲି ମା ‘ଙ୍କ ଆଶୀର୍ବାଦ ନେଇଛନ୍ତି । କଟକର ବିଭିର୍ଣ୍ଣ ପୂଜା ମଣ୍ଡପରେ ଓଲିଉଡ଼ ଅଭିନେତା ଅରିନ୍ଦମ ରାୟ ବୁଲି ମଜା ଉଠାଇଛନ୍ତି ।
ବିଭିନ୍ନ ପୂଜା ମଣ୍ଡପରେ ଅରିନ୍ଦମ ମାଙ୍କୁ ଦର୍ଶନ କରିବା ସମୟରେ ପୂଜା ମଣ୍ଡପରେ ତାଙ୍କ ପ୍ରଶଂସକଙ୍କ ଭିଡ ଦେଖିବାକୁ ମିଳିଥିଲା ଓ ଅରିନ୍ଦମଙ୍କ ଫ୍ୟାନମାନେ ତାଙ୍କ ସହ ସେଲଫି ଉଠାଇବାକୁ ଲାଗିପଡ଼ିଥିଲେ । ଅରିନ୍ଦମ ମଧ୍ୟ ବେଶ କିଛିସମୟ ନିଜ ପ୍ରଶଂସକଙ୍କ ଗହଣରେ କାଟିଥିଲେ । ଓଲିଉଡର ଏହି ଲୋକପ୍ରିୟ ନାୟକଙ୍କୁ ପାଖରେ ପାଇ ତାଙ୍କ ପ୍ରସଶଙ୍କ ମାନେ ବେଶ ଖୁସି ହୋଇଥିଲେ ।
ସେପଟେ ଅରିନ୍ଦମ କହିଛନ୍ତି ଯେ ମୁଁ କଟିକିଆ, ନବମୀରେ ପୂଜା ମଣ୍ଡପ ବୁଲିବା ଓ ନିଜ ଫ୍ୟାନଙ୍କ ସହ ସମୟ କାଟିବାରେ ମୁଁ ବେଶ ଆନନ୍ଦିତ । ଶାରଦୀୟ ଦୁର୍ଗାପୂଜାରେ କଟକରେ କିଭଳି ଭାଇଚାରା ବଜାଇ ରହିଛି ତାହାର ଏହା ହେଉଛି ଏକ ଉଦାହରଣ
