ଖୁବଶୀଘ୍ର ଏକ ନୂଆ ଫିଲ୍ମରେ ନଜର ଆସିବାକୁ ଯାଉଛନ୍ତି ଓଲିଉଡ କ୍ୱିନ ବର୍ଷା ପ୍ରିୟଦର୍ଶିନୀ । ତାଙ୍କ ସାଥ ଦେବେ ଜୟଜିତ ଦାସ । ଏହି ଫିଲ୍ମର ‘ନାଁ’ ରହିଛି ‘କ୍ୱିନ’ । ନିକଟରେ ଏହି ଫିଲ୍ମର ମହୁରତ ହୋଇଥିଲା । ତେବେ ଏହି ଫିଲ୍ମ ସୁଟ୍ ର ଭିଡିଓ ଦେଖିବାକୁ ମିଳିଛି । ଯାହାକୁ ଓଲିଉଡ କ୍ୱିନ ବର୍ଷା ପ୍ରିୟଦର୍ଶିନୀ ନିଜ ଅଫିସିଆଲ ଇନଷ୍ଟାଗ୍ରାମ ପେଜରେ ଶେୟାର କରିଛନ୍ତି ।
ତେବେ ପ୍ରଥମଥର ଏହି ଯୋଡିଙ୍କୁ ଏକାଠି ଦେଖିବାକୁ ମିଳିବ । ଏହି ଫିଲ୍ମ ବିଦିଶା କ୍ରାଫ୍ଟ ବ୍ୟାନରରେ ପ୍ରସ୍ତୁତ ହେଉଛି । ତେବେ ଫିଲ୍ମରେ ନିର୍ଦ୍ଦେଶନା ଭାର ତୁଲାଇଛନ୍ତି ଅମରେଶ ପତି ଏବଂ ପ୍ରଯୋଜନା ଭାର ତୁଲାଇଛନ୍ତି ବିଜୟ କାଣ୍ଡୋଈ । ଫିଲ୍ମରେ ସଂଗୀତ ନିର୍ଦ୍ଦେଶନା ଭାର ତୁଲାଇଛନ୍ତି ମଳୟ ମିଶ୍ର ।
