ପାକିସ୍ତାନର ସୁପରଷ୍ଟାର ଓ ବଲିଉଡରେ ଅନେକ ଫିଲ୍ମ କାମ କରିଥିବା ଅଭିନେତା ଅଲ୍ଲୀ ଜଫରଙ୍କ ଲାଗିଛି ଗମ୍ଭୀର ଆରୋପ । ପାକିସ୍ତାନୀ ଅଭିନେତ୍ରୀ ଏବଂ ସିଙ୍ଗର ମିଶା ଶଫି ଅଲ୍ଲୀଙ୍କ ଉପରେ ଯୌନ ଉତ୍ପୀଡନର ଆରୋପ ଲଗାଇଛନ୍ତି । ମିଶା ଏହାର ସୂଚନା ନିଜ ଅଫିସିଆଲ ଟୁଇଟର ହ୍ୟାଣ୍ଡେଲରେ ଦେଇଛନ୍ତି ।
ମିଶା ଟ୍ୱିଟ କରି ଲେଖିଥିଲେ, ‘ମୁଁ ଏହା ଏଥିପାଇଁ କହୁଛି କାରଣ ମୁଁ ଭାବୁଛି ଯୌନ ଉତ୍ପୀଡନର ଅନୁଭବକୁ ସେୟାର କରି ଚୁପ ରହିବା ସଂସ୍କୃତିକୁ ଭାଙ୍ଗିବା ଆବଶ୍ୟକ । ଏହା ଉପରେ କହିବା ସହଜ ନୁହେଁ କିନ୍ତୁ ଚୁପ ରହିବା ବି ଖୁବ କଠିନ । ମୋର ଅନ୍ତରଆତ୍ମା ଏହାକୁ ସ୍ୱିକୃତି ଦିଏ ନାହିଁ । ମିଠୁ ’ ।
Sharing this because I believe that by speaking out about my own experience of sexual harassment, I will break the culture of silence that permeates through our society. It is not easy to speak out.. but it is harder to stay silent. My conscience will not allow it anymore #MeToo pic.twitter.com/iwex7e1NLZ
— Meesha Shafi (@itsmeeshashafi) April 19, 2018
ସେ ଆହୁରି ମଧ୍ୟ କହିଥିଲେ ‘ଅଲ୍ଲୀ ଜଫର ମୋ ଉପରେ ଅନେକ ଥର ଯୌନ ଶୋଷଣ କରିଛନ୍ତି । ଯେବେ ମୁଁ ଇଣ୍ଡଷ୍ଟ୍ରୀରେ ନୂଆ ଥିଲେ ସେତେବେଳେ ଏହା ମୋ ସହିତ ହୋଇଥିଲା । ଯେତେବେଳେ ମୁଁ ଦୁଇ ଛୁଆର ମା’ ହୋଇଥିଲି ସେତେବେଳେ ବି ଏହା ମୋ ସହିତ ହୋଇଥିଲା । ଏହା ମୋ ପାଇଁ ଏବଂ ମୋ ପରିବାର ପାଇଁ ଏକ ଦୁଃଖ ଦାୟକ ଘଟଣା ଥିଲା ।
ଉଲ୍ଲେଖଯୋଗ୍ୟ ଯେ, ଅଲ୍ଲୀ ଜଫର ବଲିଉଡରେ ‘ମେରେ ବ୍ରଦର କି ଦୁଲହନ’, ‘ତେରେ ବିନ ଲାଦେନ’, ‘ଚସମେ ବଦ୍ଦୁର’ ପରି ଅନେକ ଫିଲ୍ମରେ ଅଭିନୟ କରିଛନ୍ତି । ଏହା ସହିତ ସେ ଅନେକ ଫିଲ୍ମରେ ନିଜର କଣ୍ଠଦାନ ମଧ୍ୟ କରିଛନ୍ତି ।
