ସନି ଦେଓଲଙ୍କ ପୁଅ କରଣ ଦେଓଲଙ୍କ ପ୍ରଥମ ଫିଲ୍ମ ‘ପଲ ପଲ ଦିଲ କେ ପାସ’ର ଟ୍ରେଲର ରିଲିଜ ହୋଇସାରିଛି । କିଛି ସମୟ ପୂର୍ବରୁ ରିଲିଜ ହୋଇଥିବା ଏହି ଟ୍ରେଲରରେ କରଣ ଦେଓଲ ଏବଂ ସହର ବାମ୍ବାଙ୍କ କେମେଷ୍ଟ୍ରୀ ଲୋକଙ୍କ ଦୃଦୟ ଜିତି ନେବେ ବୋଲି ଆଶା କରାଯାଉଛି । ଦୁଇଟି ନୂଆ ଚେହେରାଙ୍କୁ ଦେଖିବା ପାଇଁ ଦର୍ଶକ ମଧ୍ୟ ଖୁବ ଉତ୍ସାହିତ ଅଛନ୍ତି ।
ଫିଲ୍ମର ଟ୍ରେଲର ମାତ୍ର କିଛି ସମୟ ପୂର୍ବରୁ ରିଲିଜ ହୋଇଥିବା ବେଳେ ଏହାର ଭ୍ୟୁଜ ୩ ଲକ୍ଷ ୫୭ ହଜାରରେ ପହଁଚିଛି ।
ଦେଖନ୍ତୁ ଟ୍ରେଲର-
ଟ୍ରେଲର ପୂର୍ବରୁ ଫିଲ୍ମର ପ୍ରଥମ ଗୀତ ରିଲିଜ ହୋଇଥିଲା ଏହାକୁ ଦର୍ଶକ ଖୁବ ପସନ୍ଦ ମଧ୍ୟ କରିଛନ୍ତି । ୨ ମିନିଟ ୧୭ ସେକେଣ୍ଡର ଏହି ଭିଡିଓରେ ସବୁଠାରୁ ଆକର୍ଷଣୀୟ ହୋଇଛି ଏହାର ଲୋକେସନ । ଫିଲ୍ମର ଅଧା ସୁଟିଂ ଲଦାଖ ଏବଂ ହିମାଚଲ ପ୍ରଦେଶରେ କରାଯାଇଛି । ଫିଲ୍ମରେ କରଣ ଙ୍କ ଅପୋଜିଟରେ ସହର ବାମ୍ବା ନଜର ଆସିବେ । ଏହାର ସହରଙ୍କର ମଧ୍ୟ ଡେବ୍ୟୁ ଫିଲ୍ମ । ଫିଲ୍ମ ୨୦ ସେପ୍ଟେମ୍ବରରେ ପରଦାକୁ ଆସିବ ।
