ଆଗାମୀ ବଲିଉଡ୍ ମୁଭି ‘ଦ ସ୍କାଏ ଇଜ୍ ପିଙ୍କ’ର ଡ୍ୟାନ୍ସ ଗୀତ ‘ପିଙ୍କ ଗୁଲାବି ସ୍କାଏ’ ରିଲିଜ୍ ହୋଇଛି । ଗୀତରେ ଫିଲ୍ମର ଲିଡ୍ ଷ୍ଟାର୍ ପ୍ରିୟଙ୍କା ଚୋପ୍ରା, ଫରହାନ୍ ଅଖତର୍ଙ୍କ ସହ ଜାଇରା ୱସିମ୍ ଏବଂ ରୋହିତ୍ ସରଫଙ୍କୁ ଦେଖିବାକୁ ମିଳିଛି । ସଭିଏଁ ଧୁମ୍-ଧମାଲ୍ ଡ୍ୟାନ୍ସ କରିବାରେ ନଜର ଆସିଛନ୍ତି ଏହି ଗୀତରେ ।
ଏହି ସିନେମା ଜରିଆରେ ଅନେକ ଦିନ ପରେ ବଲିଉଡ୍ ପରଦାକୁ ଫେରୁଛନ୍ତି ଅଭିନେତ୍ରୀ ପ୍ରିୟଙ୍କା ଚୋପ୍ରା । ଆଉ ଦ୍ୱିତୀୟ ଥର ପାଇଁ ଫରହାନଙ୍କ ସହ ତାଙ୍କ ରୋମାନ୍ସ ଦେଖିବାକୁ ମିଳିବ ଏହି ସିନେମାରେ । ରିଲିଜ୍ ହୋଇଥିବା ଏହି ଗୀତରେ ଶୁଣିବାକୁ ମିଳିଛି ସାସ୍ୱତ୍ ସିଂ ଓ ଜୋନିତା ଗାନ୍ଧୀଙ୍କ ଗାୟିକୀ । ଏହି ରୋମାଂଟିକ୍ ଗୀତରେ ସଙ୍ଗୀତର ଭାର ତୁଲାଇଛନ୍ତି ପ୍ରିତମ୍ । ଆଉ ଏଥିରେ ଲିରିକ୍ସ ଦେଇଛନ୍ତି ଗୁଲଜାର୍ ।
ସିଦ୍ଧାର୍ଥ ରୟ କପୁର୍ ଓ ରୋନି ସ୍କୃୱାଲାଙ୍କ ପ୍ରଯୋଜନାରେ ରିଲିଜ୍ ହେବାକୁ ଥିବା ଏହି ସିନେମାର ନିର୍ଦ୍ଦେଶନା ଦେଇଛନ୍ତି ସୋନାଲି ବୋଷ । ୧୧ ଅକ୍ଟୋବରରେ ପରଦାକୁ ଆସିବ ଚଳଚ୍ଚିତ୍ର ‘ଦ ସ୍କାଏ ଇଜ୍ ପିଙ୍କ’ ।