ନିକଟରେ ସାହିଦ କପୁରଙ୍କ ଫିଲ୍ମ କବିର ସିଂର ଧମାକାଦାର ଟିଜର ରିଲିଜ ହୋଇଥିଲା । ଫିଲ୍ମର ଟିଜରରେ ସାହିଦ କପୁର ଜବରଦସ୍ତ ଅନ୍ଦାଜରେ ନଜର ଆସିଥିଲେ । ଫିଲ୍ମର ଟିଜର ଦେଖିବା ପରେ ଫ୍ୟାନ୍ସ ସାହିଦଙ୍କ ଅଭିନୟକୁ ପ୍ରଶଂସା କରିବା ସହିତ ଭଲ ରେସ୍ପନ୍ସ ଦେଇଛନ୍ତି । ଫ୍ୟାନ୍ସଙ୍କ ପରେ ଫିଲ୍ମ ‘କବିର ସିଂ’ର ଟିଜର ଦେଖିବା ପରେ ‘ବାହୁବଳୀ’ ଷ୍ଟାର ପ୍ରଭାସଙ୍କର ରିଆକ୍ସନ ସାମ୍ନାକୁ ଆସିଛି । ପ୍ରଭାସ ଫିଲ୍ମର ଟିଜରକୁ ପ୍ରଶଂସା କରିବା ସହିତ ସାହିଦଙ୍କ ଅଭିନୟରେ ସେ ଖୁବ ପ୍ରଭାବିତ ବୋଲି କହିଛନ୍ତି ।
ଏକ ଇଣ୍ଟରଭ୍ୟୁରେ ପ୍ରଭାସ କହିଛନ୍ତି – ମୁଁ ଫିଲ୍ମର ଟିଜର ଦେଖିବା ପରେ ସାହିଦଙ୍କ ଅଭିନୟକୁରେ ଖୁବ ଇମ୍ପ୍ରେସ ହୋଇଛି । ଟିଜର ଦେଖିବା ପରେ ମୁଁ ସାହିଦଙ୍କୁ ଫୋନ କରିଥିଲି । ଆମେ ପାଖାପାଖି ୭-୮ ମିନିଟ ପର୍ଯ୍ୟନ୍ତ କଥା ହୋଇଥିଲୁ । ଏହା ସହିତ ମୁଁ ତାଙ୍କ ଫିଲ୍ମ କବିର ସିଂ ପାଇଁ ଶୁଭେଚ୍ଛା ମଧ୍ୟ ଜଣାଇଲି ।
ଆପଣଙ୍କୁ କହିରଖୁଛୁ ଯେ, ‘କବିର ସିଂ’ ତେଲଗୁ ଫିଲ୍ମ ‘ଅର୍ଜୁନ ରେଡ୍ଡୀ’ର ହିନ୍ଦୀ ରିମେକ । ଏହା ସାଉତ ଇଣ୍ଡିଆନ ଫିଲ୍ମର ସଫଳତାକୁ ଦେଖି ମେକର୍ସ ଏହାର ହିନ୍ଦୀ ରିମେକ ପାଇଁ ଆଗ୍ରହ ପ୍ରକାଶ କରିଥିଲେ । ଫିଲ୍ମ ‘କବିର ସିଂ’ରେ ସାହିଦଙ୍କ ଅପୋଜିଟରେ ଅଭିନେତ୍ରୀ କିଆରା ଆଡଭାଣୀ ନଜର ଆସିବେ । ଫିଲ୍ମ ୨୧ ଜୁନ ୨୦୧୯ରେ ରିଲିଜ ହେବ ।
