ଏସ ଅଫ ସ୍ପେଶ’ରେ ଜମିଲା ପ୍ରକୃତିଙ୍କୁ ଯାଦୁ, ବିଚାରକ କଲେ ପ୍ରଶଂସା !
ପ୍ରକୃତି ମିଶ୍ର କେବଳ ଜଣେ ଭଲ ଅଭିନେତ୍ରୀ ନୁହଁନ୍ତି ବରଂ ଭଲ ଡାନ୍ସର ଏବଂ ସିଙ୍ଗର ମଧ୍ୟ । ଏକଥା ଆମେ କହୁ ନାହୁଁ ବରଂ ତାଙ୍କ ଟ୍ୟାଲେଂଟ କହୁଛି । ନିକଟରେ ସେ ହିନ୍ଦୀ ସିରିଅଲରେ ଅଭିନୟ କରୁଥିଲେ । ଏହାପରେ ସେ ଏବେ ଏମ୍ଟିଭିରେ ପ୍ରସାରିତ ହେଉଥିବା ହୋଷ୍ଟ ବିକାଶ ଗୁପ୍ତାଙ୍କ ଶୋ ‘ଏସ୍ ଅଫ ସ୍ପେଶ’ରେ ପ୍ରତିଯୋଗୀ ଭାବେ ନଜର ଆସିଛନ୍ତି । ଏହି ଶୋ’ରେ ସେ ସମସ୍ତ ପ୍ରତିଯୋଗୀଙ୍କ ମଧ୍ୟରୁ ଭଲ ପ୍ରତିଯୋଗୀ ଭାବେ ପ୍ରଶଂସା ପାଇଥିବା ବେଳେ ଏବେ ସେହି ଗୃହରେ ପ୍ରବେଶ କରିଛନ୍ତି ତାଙ୍କ ବାପା ଓଡିଆ ସଙ୍ଗୀତ ନିର୍ଦ୍ଦେଶକ ମନ୍ମଥ ମିଶ୍ର । ନ୍ୟାସନାଲ ଟିଭି ରିଆଲିଟି ଶୋ’ରେ ବାପା ଝିଅ ଏକାଠି ମିଶି ସାତ ସୁରେ ବନ୍ଧା ଏ ଜୀବନ ଗାଇଛନ୍ତି ।
ତେବେ ସେ ସେହି ଶୋ’ରେ ବାପାଙ୍କ ସହ ଗୀତ ଗାଇ ସେଠାରେ ଉପସ୍ଥିତ ପ୍ରତିଯୋଗୀଙ୍କୁ ଶୁଣାଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓ ପ୍ରକୃତି ନିଜ ଅଫିସିଆଲ ଇନଷ୍ଟାଗ୍ରାମ ଅକାଉଂଟରେ ଶେୟାର କରିଛନ୍ତି ।
କେବଳ ସେତିକି ନୁହେଁ ଏହି ଶୋ’ରେ ସେ ନିଜର ସମସ୍ତ ଟ୍ୟାଲେଂଟ ଦେଖାଇ ବିଚାରକଙ୍କୁ ଇମ୍ପ୍ରେସ କରାଇବାରେ ସମ୍ଭବ ହୋଇପାରିଛନ୍ତି ।