ଆପଣଙ୍କ ଜାଣନ୍ତି କି ଗୋଟିଏ ସୋସିଆଲ ମିଡିଆ ପୋଷ୍ଟରେ କେତେ ରୋଜଗାର କରୁଛନ୍ତି ଭାଲେଣ୍ଟାଇନ ଗର୍ଲ ପ୍ରିୟା ପ୍ରକାଶ?

ଭାଲେଣ୍ଟାଇନ ସପ୍ତାହରେ ଭାଇରାଲ ହୋଇଥିବା ଭିଡିଓ ଜରୀଆରେ ରାତାରାତି ଷ୍ଟାର ହୋଇଥିବା ପ୍ରିୟା ପ୍ରକାଶ ୱାରିୟର ବର୍ତ୍ତମାନ ବଲିଉଡର ଜଣାଶୁଣା ଅଭିନେତ୍ରୀମାନଙ୍କୁ ମଧ୍ୟ ପଛରେ ପକାଇ ଦେଇଛନ୍ତି ।

ପ୍ରିୟା ପ୍ରକାଶ ‘ମାଣିକ୍ୟ ମାଲାରାୟା ପୁଭି’ ଗୀତ ଜରୀଆରେ ସୋସିଆଲ ମିଡିଆରେ ଭାଇରାଲ ହୋଇଥିଲେ । ବର୍ତ୍ତମାନ ପ୍ରିୟା ଇଂଷ୍ଟାଗ୍ରାମରେ ଏକ ନୂଆ ରେକର୍ଡ ସୃଷ୍ଟି କରିଛନ୍ତି । ପ୍ରିୟାଙ୍କର ଗୋଟିଏ ଦିନରେ ୬୦୬ ହଜାର ଫଲୋୟର୍ସ ବଢିଥିଲେ । ଏହି ସଂଖ୍ୟା ଗୁଗଲରେ ସବୁଠାରୁ ଅଧିକ ସର୍ଚ୍ଚ କରାଯାଉଥିବା ଅଭିନେତ୍ରୀ ସନି ଲିୟୋନ ଏବଂ ଦୀପିକା ପାଦୁକୋନଙ୍କ ଠାରୁ ମଧ୍ୟ ଅଧିକ । ଏହି ମାମଲାରେ ପ୍ରିୟା ଆମେରିକାର ଟିଭି ଷ୍ଟାର କେଲି ଜେନର ଏବଂ ଫୁଟବଲ ଷ୍ଟାର କ୍ରିଷ୍ଟିୟାନୋ ରୋନାଲ୍ଡୋଙ୍କୁ ମଧ୍ୟ ପଛରେ ପକାଇଦେଇଛନ୍ତି । ବର୍ତ୍ତମାନ ପ୍ରିୟାଙ୍କର ଇଂଷ୍ଟାଗ୍ରାମରେ ୫.୧ ମିଲିୟନ ଫଲୋୟର୍ସ ଅଛନ୍ତି ।

ରିପୋର୍ଟ ଅନୁସାରେ ପ୍ରିୟାଙ୍କର ବଢୁଥିବା ଫଲୋୟର୍ସ ଏବଂ ଲୋକପ୍ରିୟତାକୁ ନଜରରେ ରଖି ପ୍ରିୟାଙ୍କର ପ୍ରତ୍ୟେକ ସୋସିଆଲ ପୋଷ୍ଟ ବଦଳରେ ତାଙ୍କୁ ୮ ଲକ୍ଷ ଟଙ୍କା ମିଳୁଛି ।

କହିରଖୁଛୁ ଯେ ପ୍ରିୟାଙ୍କର ଫିଲ୍ମ ‘ ଓରୁ ଆଦାର ଲଭ’ର ଗୀତ ସୋସିଆଲ ମିଡିଆରେ ଛାଇ ରହିଛି । ଏହି ଫିଲ୍ମଟି ଦୁଇ ସ୍କୁଲ୍ ଛାତ୍ରଙ୍କ ପ୍ରେମ କାହାଣୀ ଉପରେ ଆଧାରିତ ।