ଭାରତରେ ପବ୍ଚୀର ହାଲକା ଭର୍ସନ ପବ୍ଚୀ ଲାଇଟ ଲଂଚ କରିବାର ମାତ୍ର ତିନି ଦିନ ମଧ୍ୟରେ ବଡ ରେକର୍ଡ କରିଛି । ପ୍ଲେ ଷ୍ଟୋରରେ ଏକ କୋଟିରୁ ଅଧିକ ଡାଉନଲୋଡ ସହିତ ଫ୍ରି ଗେମ୍ସର ଶୀର୍ଷରେ ପହଁଚିଛି । ଚିନି ସ୍ଥିତ ମୂଳ କମ୍ପାନୀ ଟେନସେଣ୍ଟ ମଙ୍ଗଳବାର ଏହି ଘୋଷଣା କରିଛନ୍ତି ।
କମ୍ପାନୀ ନିଜ ବୟାନରେ କହିଛନ୍ତି, ‘ପବ୍ଚୀ ମୋବାଇଲ ଲାଇଟର ପ୍ରସିଦ୍ଧି ଏହି କଥାରୁ ଲଗାଯାଇପାରେ ଯେ ଭାରତୀୟ ସ୍ମାର୍ଟଫୋନ ବଜାରର ଅନେକ ସେଗମେଣ୍ଟରେ ଏଣ୍ଟ୍ରି ଲେବୁଲ ସ୍ମାର୍ଟଫୋନ ସାମିଲ ହୋଇଛି । ଏବେ ପବ୍ଚୀର ଏହି ନୂଆ ଲାଇଟ ଭର୍ସନ ପାଇଁ ଏହି ସେଗମେଣ୍ଟର ଲୋକେ ଗେମ ଖେଳିପାରିବେ ।’
ଏହି ଲାଇଟର ଭର୍ସନରେ ପବ୍ଚୀ ଷ୍ଟାଇଲ ପରି ୧୦୦ ବଦଳରେ ଏକାସାଙ୍ଗରେ ୬୦ ଜଣେ ମ୍ୟାପରେ ଖେଳିପାରିବେ । ଏହି ଗେମ ପବ୍ଚୀ ଭଳି ଅଧିକ ସ୍ପେସ ନୁହେଁ ବରଂ ୪୦୦ ଏମବିର ସ୍ପେସ ନେଇଥାଏ । ଏହା ସହିତ ୨ ଜିବି ର୍ୟାମ ଟାରୁ କମ ଡିଭାଇସରେ ମଧ୍ୟ ଏହା ଖେଳାଯାଇପାରିବ ।
ଏହି ଗେମର ମୂଳ ଭର୍ସନ ୨୦୧୭ରେ ଲଂଚ କରାଯିବା ସହିତ ଗୁଗଲ ପ୍ଲେ ଷ୍ଟୋରରେ ୧୦ କୋଟିରୁ ଅଧିକ ଲୋକ ଡାଉନଲୋଡ କରିଥିଲେ । ପବ୍ଚୀ ମୋବାଇଲ ସିଜିନ ୮ ଗତ ସପ୍ତାହରେ ରିଲିଜ କରାଯାଇଥିଲା ।