ପୁଲୱାମା ସହିଦ ପରିବାରକୁ କିଛି ଏହି ପ୍ରକାର ସାହାର୍ଯ୍ୟ କରିବେ ସଲମାନ ଖାନ
୧୪ ଫେବୃଆରୀରେ ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ସାରା ଦେଶ ଏହି ଘଟଣାକୁ ନିନ୍ଦା କରୁଛି । ଏହି ଘଟଣାକୁ ନେଇ କେବଳ ସାଧାରଣ ଲୋକେ ନୁହଁନ୍ତି ବରଂ ବଲିଉଡ ସେଲିବ୍ରିଟି ମଧ୍ୟ ଏହାକୁ ବିରୋଧ କରିଛନ୍ତି । ସେଲିବ୍ରିଟି ମାନେ ସୋସିଆଲ ମିଡିଆରେ ଏହି ଘଟଣାକୁ ନିନ୍ଦା କରିବା ସହିତ ସହିଦଙ୍କ ପରିବାରକୁ ସମବେଦନା ଜଣାଇଛନ୍ତି । ଅନନେକ ବଲିଉଡ ସେଲିବ୍ରିଟି ସହିଦଙ୍କ ପରିବାରକୁ ସାହାର୍ଯ୍ୟ କରିବା ପାଇଁ ଆଗକୁ ଆସିଛନ୍ତି । କେବଳ ବଲିଉଡ କଳାକାର ନୁହଁନ୍ତି କ୍ରିକେଟରଙ୍କ ନାମ ମଧ୍ୟ ଏହି ତାଲିକାରେ ରହିଛି ।
ବିରେନ୍ଦ୍ର ସେହୱାଗ, ଗୌତମ ଗମ୍ଭୀର, ଅମିତାଭ ବଚ୍ଚନ, ଅକ୍ଷୟ କୁମାର ଏବଂ ରିଲିୟାନ୍ସ ଫାଉଣ୍ଡେସନ ପରେ ଏବେ ଏହି ଲିଷ୍ଟରେ ଅଭିନେତା ସଲମାନ ଖାନଙ୍କ ନାମ ଯୋଡି ହୋଇଛି । ଖବର ଅନୁସାରେ ସଲମାନଙ୍କ ବିଙ୍ଗ ହ୍ୟୁମାନ ଫାଉଣ୍ଡେସନ ସହିଦ ପରିବାରଙ୍କୁ ସାହାର୍ଯ୍ୟ କରିବା ପାଇଁ ଆଗକୁ ଆସିଛନ୍ତି ।
Thank you @BeingSalmanKhan on offering to contribute for Pulwama Martyrs through BEING HUMAN FOUNDATION. I’ll work out for handing over of the cheques in the account of #BharatKeVeer @BharatKeVeer
— Kiren Rijiju (@KirenRijiju) February 17, 2019
ଗୃହ ରାଜ୍ୟମନ୍ତ୍ରୀ କିରଣ ରିଜିଜୁ, ସଲମାନ ଖାନଙ୍କୁ ଧନ୍ୟବାଦ ଜଣାଇ ନିଜ ଟ୍ୱିଟର ହ୍ୟାଣ୍ଡଲରେ ଟ୍ୱିଟ କରିଛନ୍ତି । ଟ୍ୱିଟ କରି ସେ ଲେଖିଛନ୍ତି, ‘ଧନ୍ୟବାଦ ସଲମାନ ଖାନ ବିଙ୍ଗ ହ୍ୟୁମାନ ଫାଉଣ୍ଡେସନ ଜରିଆରେ ପୁଲୱାମା ଆକ୍ରମଣରେ ସହିଦଙ୍କ ପରିବାରକୁ ସାହାର୍ଯ୍ୟ କରିବା ପାଇଁ ଦେଇଥିବା ଏହି ଚେକ ତାଙ୍କ ଖାତାକୁ ଯିବ ।’