ଟି ସାର୍ଟରେ ଅଜଗର, ଉଡିଲା ଏୟାରପୋର୍ଟ କର୍ମଚାରୀଙ୍କ ହୋସ୍!
ଦକ୍ଷିଣ ଆଫ୍ରିକାରେ ଜୋହାନସବର୍ଗ ଏୟାରପୋର୍ଟରେ ଏକ ଏପରି ଘଟଣା ନଜରକୁ ଆସିଛି ଯେଉଁଥିରେ ୧୦ ବର୍ଷର ଏକ ଛୁଆ ଏକ ଟି ସାର୍ଟ ପିନ୍ଧିକି ପହଞ୍ଚି ଥିଲା । ଛୁଆଟି ପରିବାର ସହ ୧୭ ଡିସେମ୍ବର ନ୍ୟୁଜଲ୍ୟାଣ୍ଡରୁ ଆଫ୍ରିକା ଯାତ୍ରାରେ ଯାଇଥିଲା । ଏୟାରପୋର୍ଟ ଠାରେ ଚେକ ହେଉଥିବା ସମୟରେ ଅଧିକାରୀମାନେ ଛୁଆଟି ଟି ସାର୍ଟରେ ଅଜଗର ଚିତ୍ର ହୋଇଥିବା ଦେଖିଥିଲେ ।
ସୂଚନା ମୁତାବକ, ଟି ସାର୍ଟରେ ଥିବା ଅଜଗର ଚିତ୍ର ଲୋକଙ୍କୁ ଭୟାଭିତ କରିପରେ । ଉଡାଜାହାଜରେ ଚଢିବା ପୂର୍ବରୁ ପୋଷାକ ବଦଳାଇବା ପାଇଁ ଏୟାରପୋର୍ଟ ଅଧିକାରୀ ଷ୍ଟିବି ଲୁକସ କହିଥିଲେ । ବିମାନରେ ଥିବା ଅନ୍ୟ ଯାତ୍ରୀ ଓ କ୍ରିୟୁ ମେମ୍ବରଙ୍କ ସୁରକ୍ଷା ପାଇଁ ଏହି ନିଷ୍ପତି ନିଆଯାଇଥିବା କୁହାଯାଇଛି । ପରବର୍ତ୍ତୀ ସମୟରେ ଛୁଆଟିର ପରିବାର ଲୋକେ ଏହି ସାର୍ଟକୁ ବଦଳାଇ ଦେଇଥିଲେ ।
ଟି ସାର୍ଟରେ ଅଜଗରର ଚିତ୍ର ଏପରି ଥିଲା ଯେପରି କାନ୍ଧରୁ ଅଜଗରଟି ଓହ୍ଲାଉଛି । ଏହା ଚିତ୍ର ପରି ନୁହେଁ ବରଂ ପ୍ରକୃତରେ ହୋଇଥିବା ପରି ଲାଗୁଥିଲା ।