ରାଜକୁମାର ରାଓ ଏବଂ ମୌନୀ ରୟଙ୍କ ଆଗାମୀ ଫିଲ୍ମ ‘ମେଡ ଇନ ଚାଇନା’ର ଦମଦାର ଟ୍ରେଲର କିଛି ସମୟ ପୂର୍ବରୁ ରିଲିଜ ହୋଇଛି । ଫିଲ୍ମରେ ରାଜକୁମାର ଜଣେ ଗୁଜରାଟୀ ବ୍ୟବସାୟୀ ଭାବେ ନଜର ଆସିଛନ୍ତି ଏବଂ ଅଭିନେତ୍ରୀ ମୌନୀଙ୍କୁ ତାଙ୍କ ପତ୍ନୀ ଭୂମିକାରେ ଦେଖିବାକୁ ମିଳିଛି । ଏହି ଫିଲ୍ମକୁ ଗୁଜରାଟୀ ନିର୍ଦ୍ଦେଶକ ମିଖିଲ ମୁସଲେ ନିର୍ଦ୍ଦେଶନା ଦେଇଛନ୍ତି । ନିର୍ଦ୍ଦେଶକ ଭାବେ ଏହା ତାଙ୍କର ପ୍ରଥମ ବଲିଉଡ ଫିଲ୍ମ । ୨୦୧୬ରେ ମିଖିଲ ମୁସଲେଙ୍କ ଗୁଜରାଟୀ ଥ୍ରିଲର ଫିଲ୍ମ ‘ରଙ୍ଗ ସାଇଡ ରାଜୁ’ ସର୍ବଶ୍ରେଷ୍ଠ ଗୁଜରାଟୀ ଫିଚର ଫିଲ୍ମ ଭାବେ ରାଷ୍ଟ୍ରୀୟ ପୁରସ୍କାରରେ ସମ୍ମାନୀତ ହୋଇଥିଲା ।
ଫିଲ୍ମ ଟ୍ରେଲର ବିଷୟରେ କହିବାକୁ ଗଲେ ରାଜକୁମାର ରାଓ ଜଣେ ବ୍ୟବସାୟୀ ହେବାକୁ ଚାହାଁନ୍ତି । ଯେଉଁଥିପାଇଁ ସେ ବିଭିନ୍ନ ପ୍ରକାରର ଉପାୟ ଆପଣାଉଥିବା ଦେଖିବାକୁ ମିଳିଛି । ବ୍ୟବସାୟୀ ହେବା ଚକ୍କରରେ ସେ ଚାଇନା ଯାଆନ୍ତି ଏବଂ ସେଠାରେ ତାଙ୍କ ଲାଇଫ ବଦଳି ଯାଏ ।
ଫିଲ୍ମରେ ରାଜକୁମାର ରାଓ ଏବଂ ମୌନୀ ରୟଙ୍କ ବ୍ୟତିତ ପରେଶ ରାୱଲ, ବୋମନ ଇରାନୀ ଏବଂ ସୁମିତ ବ୍ୟାସଙ୍କ ପରି କଳାକାର ନଜର ଆସିବେ । ଫିଲ୍ମରେ ଅନେକ ଡବଲ ମିନିଂ ଡାଇଲଗ ମଧ୍ୟ ରହିଛି । ଫିଲ୍ମ ପ୍ରଥମେ ୩୧ ଅଗଷ୍ଟରେ ରିଲିଜ ହେବା ପାଇଁ ସ୍ଥିର କରାଯାଇଥିଲା କିନ୍ତୁ ମେକର୍ସ ଫିଲ୍ମକୁ ଦିୱାଲୀରେ ରିଲିଜ କରିବା ପାଇଁ ସ୍ଥିର କରିଛନ୍ତି ।