ଟକ୍ ଶୋ’ରେ ସନି ଲିଓନିଙ୍କୁ କ୍ଷମା ମାଗିଲେ ରାକ୍ଷୀ ସାୱନ୍ତ, ଏହା ହେଉଛି କାରଣ
ରାଜୀବ ଖଣ୍ଡେଲୱାଲଙ୍କ ଚାଟ ଶୋ’ ‘ଜଜବାତ’ରେ ବିବାଦୀୟ ବୟାନ ଦେଇ ସର୍ବଦା ଚର୍ଚ୍ଚାରେ ରହୁଥିବା ରାକ୍ଷୀ ସାୱନ ନିଜ ବୟାନ ପାଇଁ ସନି ଲିଓନିଙ୍କୁ କ୍ଷମା ମାଗିଛନ୍ତି । ସନିଙ୍କୁ ଭାରତ ଛାଡି ଯିବା ପାଇଁ କହିଥିବାରୁ ସେ କ୍ଷମା ମାଗିଛନ୍ତି ।
ସୂଚନା ଅନୁସାରେ ୨୦୧୫ରେ ଖବର ଶୁଣିବାକୁ ମିଳିଥିଲା ଯେ ସନି ଲିଓନିଙ୍କୁ ଘର ବହାର କରିଦିଆଯାଇଛି । ଏହି ବିଷୟରେ ରାକ୍ଷୀଙ୍କୁ ପଚରାଯିବାରୁ ସେ କହିଥିଲେ ‘ଘରୁ ବାହାର କରିବେନି ତ ଆଉ କ’ଣ କରିବେ । ମୁଁ ଏକ ହିନ୍ଦୁସ୍ତାନୀ ଝିଅ, ପଲିଟିକ୍ସରେ ମଧ୍ୟ ସାମିଲ ଅଛି । ମୋତେ ଏପରି ପୋଷାକ ପିନ୍ଧିବା ପାଇଁ ସେ ହିଁ ତ ବାଧ୍ୟ କରିଛି । ଏବେ ମୁଁ ସନିଙ୍କ ଠାରୁ ମଧ୍ୟ ବେଶୀ ହଟ ଲାଗୁଛି । ସନି ମୋ ଭାରତରୁ ପଳାଅ । ମୋ ଫିଲ୍ମ ଇଣ୍ଡଷ୍ଟ୍ରୀକୁ ଛାଡି ଦିଅ ।’
ରାଜୀବ ଖଣ୍ଡେଲୱାଲ ନିଜ ଶୋ’ରେ ରାକ୍ଷୀଙ୍କୁ ଏହି ବିଷୟରେ ପଚାରିବାରୁ ସେ ସନିଙ୍କୁ କ୍ଷମା ମାଗିଥିଲେ । ଏବଂ ତାଙ୍କ ଦ୍ୱାରା ଭୁଲ ହୋଇଛି ବୋଲି ସେ ସ୍ୱୀକାର କରିଥିଲେ । ସେ କହିଥିଲେ ଯେ ସନିଙ୍କ ବ୍ୟାକଗ୍ରାଉଣ୍ଡ, ତାଙ୍କ ଜର୍ଣ୍ଣି ବିଷୟରେ ନଜାଣି ସେ ତାଙ୍କୁ ଜଜ କରିଥିଲେ । ଏହା ସହିତ ସେ କହିଥିଲେ ମୋତେ ସନିଙ୍କୁ ଏପରି ଭାବେ ଜଜ କରିବାର ଅଧିକାର ନାହିଁ ।
