ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବଲିଉଡର ଅନେକ କଳାକରଙ୍କ ସହିତ ଦିଲ୍ଲୀ ସ୍ଥିୀତ ବାସଭବନରେ ସାକ୍ଷାତ କରିଥିଲେ । ଏହି ଅବସରରେ ଶାହରୁଖ ଖାନ, ଆମୀର ଖାନଙ୍କ ସମେତ ଅନେକ ବଲିଉଡ କଳାକାର ଯୋଗ ଦେଇଥିଲେ । ପ୍ରଧାନମନ୍ତ୍ରୀ ଉଦବୋଧନ ଦେଇ କହିଥିଲେ ଯେ ଫିଲ୍ମ ଇଣ୍ଡଷ୍ଟ୍ରୀ ଅଧିକାଂଶ ମହାତ୍ମା ଗାନ୍ଧୀ ଏବଂ ଗାନ୍ଧୀବାଦ ଉପରେ ଫିଲ୍ମ ନିର୍ମାଣ କରନ୍ତୁ । ମହାତ୍ମା ଗାନ୍ଧୀଙ୍କ ୧୫୦ ତମ ଜୟନ୍ତଜୀ ଅବସରରେ ଏହି ସମାରୋହର ଆୟୋଜନ କରାଯାଇଥିଲା । କିନ୍ତୁ ଏହି ସାମାରୋହରେ ସାଉଥର କୌଣସି କଳାକାରଙ୍କୁ ଡକାଯାଇନଥିଲା । ଏହାକୁ ନେଇ ସାଉଥ ଅଭିନେତା ରାମ ଚରଣଙ୍କ ପତ୍ନୀ ଉପାସନା ନିରାଶା ପ୍ରକାଶ କରିଛନ୍ତି ।
ପିଏମ ମୋଦିଙ୍କ ଏହି କାର୍ଯ୍ୟକ୍ରମକୁ ନେଇ ନିରାଶା ବ୍ୟକ୍ତ କରି ଉପାସନା ଇଂଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ସେ ପୋଷ୍ଟ ସେୟାର କରି ଲେଖିଛନ୍ତି, ‘ପ୍ରିୟ ନରେନ୍ଦ୍ର ମୋଦି ଜୀ । ସାଉଥ ଇଣ୍ଡିଆର ଲୋକେ ଆପଣଙ୍କୁ ସମ୍ମାନ କରିଥାନ୍ତି ଏବଂ ଗର୍ବ କରନ୍ତି ଆପଣ ଆମର ପ୍ରଧାନମନ୍ତ୍ରୀ । ମୁଁ ସମ୍ମାନର ସହିତ କହୁଛି ଆପଣଙ୍କ କାର୍ଯ୍ୟକ୍ରମରେ ଯେଉଁ ସଂସ୍କୃତିକ ବ୍ୟକ୍ତି ମାନେ ଯୋଗ ଦେଇଥିଲେ ସେମାନେ କେବଳ ହିନ୍ଦୀ ଫିଲ୍ମ ଇଣଷ୍ଟ୍ରୀର ଏଠାରେ ସାଉଥ ଫିଲ୍ମ ଇଣ୍ଡଷ୍ଟ୍ରୀକୁ ନଜର ଅନ୍ଦାଜ କରାଯାଇଛି । ମୋତେ ଏହା ଖୁବ ଖରାପ ଲାଗିଲା । ଆଶା କରୁଛି ଏହାକୁ ଆପଣ ସଠିକ ଭାବରେ ନେବେ । ଜୟ ହିନ୍ଦ ।’