ୟଶ ରାଜ ଫିଲ୍ମସର ଆଗାମୀ ପ୍ରୋଜେକ୍ଟରେ ଟିମ ଅପ ହେବେ ରଣବୀର ସିଂ, ଏହି ଦମଦାର ଭୂମିକାରେ ଆସିବେ ନଜର
ବଲିଉଡ ଅଭିନେତା ରଣବୀର ସିଂ ଏବେ ନିଜର ଆଗାମୀ ଫିଲ୍ମ ‘୮୩’କୁ ନେଇ ଚର୍ଚ୍ଚାରେ । ଗତ କିଛି ଦିନରୁ ରଣବୀର ଏହି ଫିଲ୍ମ ପାଇଁ ନିଜକୁ ପ୍ରସ୍ତୁତ କରୁଛନ୍ତି । ଏହି ଫିଲ୍ମର ସୁଟିଂ ଆରମ୍ଭ ନହେଉଣୁ ରଣବୀର ସିଂଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି ।
ଖବର ଅନୁସାରେ ରଣବୀର ସିଂ ଖୁବ ଶୀଘ୍ର ୟଶ ରାଜ ଫିଲ୍ମସର ଆଗାମୀ ପ୍ରୋଜେକ୍ଟରେ ନଜର ଆସିବେ । ଏହାକୁ ନେଇ ମେକର୍ସ ନିଜ ସୋସିଆଲ ମିଡିଆରେ ଘୋଷଣା କରିଛନ୍ତି । ୟଶରାଜ ଫିଲ୍ମସର ଆଗାମୀ ପ୍ରୋଜେକ୍ଟ ‘ଜୟେଶଭାଇ ଜୋରଦାର’ରେ ଦମଦାର ଭୂମିକାରେ ନଜର ଆସିବେ ।
.@RanveerOfficial in and as #JayeshbhaiJordaar
Directed by #DivyangThakkar and produced by #ManeeshSharma #YRFAnnouncement | @JJ_TheFilm pic.twitter.com/uifhAehyjv— Yash Raj Films (@yrf) May 27, 2019
ଏହି ଫିଲ୍ମକୁ ଦିବ୍ୟାଙ୍ଗ ଠକ୍କର ନିର୍ଦ୍ଦେଶନା ଦେବେ । ଏହି ଫିଲ୍ମ ଜରିଆରେ ଦିବ୍ୟାଙ୍ଗ ଠକ୍କର ନିର୍ଦ୍ଦେଶନା କ୍ଷେତ୍ରରେ ପାଦ ଦେବେ । ଏହା ଏକ କମେଡି ଏଣ୍ଟରଟେନମେଣ୍ଟ ଫିଲ୍ମ ହେବ । ଫିଲ୍ମରେ ରଣବୀର ଏକ ଗୁଜୁରାଟୀ ବ୍ୟକ୍ତି ଭୂମିକାରେ ନଜର ଆସିବେ ।
ଆପଣଙ୍କୁ କହିରଖୁଛୁ ଯେ, ରଣବୀର ଏପର୍ଯ୍ୟନ୍ତ ଡ୍ରାମା, ପିରିୟଡିକ ଡ୍ରାମା ଠାରୁ ଆରମ୍ଭ କରି ରୋମାଣ୍ଟିକ ଏବଂ ନେଗେଟିଭ ଭୂମିକାରେ ନଜର ଆସିଛନ୍ତି । ‘ଜୟେଶଭାଇ ଜୋରଦାର’ରେ ରଣବୀରଙ୍କ ଭୂମିକା ଖୁବ ଖାସ ଏବଂ ଭିନ୍ନ ରହିବ ବୋଲି ଶୁଣିବାକୁ ମିଳିଛି । ଫିଲ୍ମରେ ରଣବୀରଙ୍କ ଅପୋଜିଟରେ କେଉଁ ଅଭିନେତ୍ରୀ ନଜର ଆସିବେ ତାହା ବିଷୟରେ ଏପର୍ଯ୍ୟନ୍ତ ଖୁଲାସା କରାଯାଇ ନାହିଁ ।