ବର୍ଲିନରେ ‘ଅପନା ଟାଇମ ଆଏଗା’ ଗାଇ ଦୃଦୟ ଲୁଟିନେଲେ ରଣବୀର ସିଂ, ସୋସିଆଲ ମିଡିଆରେ ଭାଇରାଲ ହେଲା ଭିଡିଓ
ବଲିଉଡ ଅଭିନେତା ରଣବୀର ସିଂ ଏବେ ନିଜର ଆଗାମୀ ଫିଲ୍ମ ‘ଗଲି ବୟ’ର ପ୍ରମୋଶନକୁ ନେଇ ବ୍ୟସ୍ତ ଅଛନ୍ତି । ଫିଲ୍ମ ଚଳିତ ବର୍ଷ ୧୪ ଫେବୃଆରୀରେ ରିଲିଜ ହେବ । ପଦ୍ମାବତ ଏବଂ ସିମ୍ବା ସୁପରହିଟ ହେବା ପରେ ରଣବୀରଙ୍କ ଫ୍ୟାନ୍ସ ତାଙ୍କ ଫିଲ୍ମକୁ ଅପେକ୍ଷା କରି ରହିଛନ୍ତି । ଜୋୟା ଅଖତରଙ୍କ ଏହି ଫିଲ୍ମ ଜରିଆରେ ରଣବୀର ସିଂ ଏବଂ ଆଲିଆ ଭଟ୍ଟ ପ୍ରଥମଥର ପାଇଁ ବଡ ପରଦାରେ ଏକାଠି ନଜର ଆସିବେ ।
This is such a happy sight! @RanveerOfficial at the #Berlinale2019 . From what I am reading online, Gully Boy opened to a packed house and in the end Singh made sure the audience didn’t go back just with the film ♥️ pic.twitter.com/OOtxypmq64
— ilika s thapa (@ilikasrivastava) February 10, 2019
ନିକଟରେ ରଣବୀର ସିଂଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ରଣବୀର ବର୍ଲିନରେ ‘ଗଲିବୟ’ର ଗୀତ ଅପନା ଟାଇମ ଆଏଗା ଗାଇ ସମସ୍ତଙ୍କ ଦୃଦୟ ଜିତି ନେଇଥିବା ଦେଖିବାକୁ ମିଳିଛି । କହିରଖୁଛୁ ଯେ, ବର୍ଲିନ ଫିଲ୍ମ ଫେଷ୍ଟିଭାଲରେ ରଣବୀର ସିଂଙ୍କ ଏହି ଫିଲ୍ମର ସ୍କ୍ରିନିଂ ହୋଇଥିଲା । ସମୀକ୍ଷକ ଫିଲ୍ମର କାହାଣୀକୁ ଫ୍ରେସ ବୋଲି କହିଥିବା ବେଳେ ରଣବୀର ଆଲିଆଙ୍କ ଖୁବ ପ୍ରଶଂସା କରିଥିଲେ । ଫିଲ୍ମର ସ୍କ୍ରିନିଂ ସମୟରେ ରଣବୀର ଷ୍ଟେଜରେ ଆସି ଅପନା ଟାଇମ ଆଏଗା ଗାଇଥିଲେ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।