୩୧ ଅଗଷ୍ଟରେ ‘ରାଜମା ଚାୱଲ’ ରାନ୍ଧିବେ ଋଷି କପୁର, ସାମ୍ନାକୁ ଆସିଲା ଫାଷ୍ଟ ଲୁକ
ଶେଷଥର ପାଇଁ ଋଷି କପୁର, ମହାନାୟକ ଅମିତାଭ ବଚ୍ଚନଙ୍କ ସହିତ ‘୧୦୨ ନଟ ଆଉଟ’ ଫିଲ୍ମରେ ନଜର ଆସିଥିଲେ । ନିକଟରେ ଋଷି କପୁରଙ୍କ ନୂଆ ଫିଲ୍ମର ଘୋଷଣା କରାଯାଇଛି । ତାଙ୍କର ଆଗାମୀ ଫିଲ୍ମ ‘ରାଜମା ଚାୱଲ’ ୩୧ ଅଗଷ୍ଟରେ ରିଲିଜ ହେବ ।
ଫିଲ୍ମର ନିର୍ଦ୍ଦେଶକ ଲୀନା ୟାଦବ ଟୁଇଟ କରି ଫିଲ୍ମ ବିଷୟରେ ସୂଚନା ଦେଇଛନ୍ତି । ଲୀନା ଫିଲ୍ମର ଏକ ଲୁକକୁ ସେୟାର କରି କହିଛନ୍ତି ‘ମଜାଦାର ଆମେ ଅତ୍ୟାଧୁନିକ ଯୁଗରେ ରହି ମଧ୍ୟ ସବୁଠାରୁ ମହତ୍ୱପୂର୍ଣ୍ଣ ବ୍ୟକ୍ତିଙ୍କ ସହିତ କଥା ହୋଇପାରୁ ନାହିଁ । ରାଜମା ଚାୱଲ ସହିତ ଏକ ପିତା ଏବଂ ପୁଅର ସାମାଜିକ ପ୍ରାସଙ୍ଗିକ ଯାତ୍ରାକୁ ଅନୁଭବ କରନ୍ତୁ ।’
Funny, we live in the space age generation yet fail to communicate with people that matter the most? Experience the social journey of a father and son with Rajma Chawal, this 31st August! @chintskap #AnirudhTanwar @AmyraDastur93 @Aparshakti @SaarthiE #RajmaChawalOn31stAugust pic.twitter.com/G8oGaBLoTu
— Leena Yadav (@leenayadav) June 7, 2018
ଅନ୍ୟ ପକ୍ଷରେ ‘ରାଜମା ଚାୱଲ’ ଜରିଆରେ ଅଭିନେତା ଅନିରୃଦ୍ଧ ତନୱର ନିଜର ବଲିଉଡ କ୍ୟାରିୟର ଆରମ୍ଭ କରିବା ପାଇଁ ଯାଉଛନ୍ତି । ଫିଲ୍ମରେ ତାଙ୍କ ବିପକ୍ଷରେ ଅଭିନେତ୍ରୀ ଅମାୟରା ଦସ୍ତୁର ନଜର ଆସିବେ । ଫିଲ୍ମ ‘ରାଜମା ଚାୱଲ’ର ସୁଟିଂ ଦିଲ୍ଲୀର ଚାନ୍ଦନୀ ଚୌକରେ କରାଯାଇଛି ।
ଏହା ପୂର୍ବରୁ ଆଇଏଏନଏସକୁ ଦେଇଥିବା ଏକ ଇଣ୍ଟରଭ୍ୟୁରେ ଋଷି କପୁର କହିଥିଲେ, ଲୀନାଙ୍କ ସହିତ କାମ କରିବା ପାଇଁ ମୁଁ ଚାହୁଁଥିଲି । ମୋତେ କାହାଣୀର ବାତାବରଣ ଅର୍ଥାତ ଚାନ୍ଦନୀ ଚୌକ ଖୁବ ପସନ୍ଦ ଆସିଲା । ଏହା ପୂର୍ବରୁ ମୁଁ ‘ଦିଲ୍ଲୀ ୬’ରେ ଏହାକୁ ଅନୁଭବ କରିଥିଲି ।
‘ରାଜମା ଚାୱଲ’ ୨୦୧୮ରେ ଋଷି କପୁରଙ୍କ ତୃତୀୟ ଫିଲ୍ମ । ୪ ମଇକୁ ସେ ‘୧୦୨ ନଟ ଆଉଟ’ରେ ନଜର ଆସିଥିଲେ । ଏହାପରେ ସେ ୨୭ ଜୁଲାଇରେ ଫିଲ୍ମ ‘ମୁଲ୍କ’ରେ ନଜର ଆସିବେ । ଫିଲ୍ମରେ ଋଷି କପୁରଙ୍କ ସହିତ ତାପସୀ ପନ୍ନୁଙ୍କୁ ଦେଖିବାକୁ ମିଳିବ ।