ମାନବିକତା ହଜାଇଲା ଫଟୋ ଉଠାଇବାର ନିଶା, ଜୀବନ ସହ ସଂଘର୍ଷ କରୁଥିଲେ ଯୁବକ, କେହି ସାହାଯ୍ୟ କଲେ ନାହିଁ
ଦେବଭୂମି ହିମାଚଳରେ ପୁଣିଥରେ କିଛି ଲୋକ ମାନବିକତାକୁ ବଳି ପକାଇ ଦେଇଥିବାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି । ଯାହା ଅନ୍ୟ ମାନଙ୍କୁ ଲଜ୍ଜା ଅନୁଭବ କରିବାକୁ ବାଧ୍ୟ କରିଛି । ଆଜ୍ଞା ହଁ ରାସ୍ତା ଦୁର୍ଘଟଣାରେ ଗଭୀର ଆଘାତ ପାଇଥିବା ଯୁବକଙ୍କୁ ହସ୍ପିଟାଲ ନେଇଯିବା ପରିବର୍ତ୍ତେ ଲୋକ ଫଟୋ ଉଠାଇବାରେ ମାତିଲେ ।
ଘଟଣା ହିମାଚଳ ପ୍ରଦେଶର ଦିୟାଲ ଅଂଚଳର । ସେଠାରେ ଏକ ସଡ଼କ ଦୁର୍ଘଟଣାରେ ଦୁଇ ଜଣ ଯୁବକ ଖୁବ ଆଘାତ ପାଇଥିଲେ, କିନ୍ତୁ ଉପସ୍ଥିତ ଲୋକ ସାହାଯ୍ୟ କରିବା ପରିବର୍ତ୍ତେ ଫଟୋ ଉଠାଇ ମଜା ନେଉଥିଲେ । ତେବେ ଏହା ଆମେ କହୁନାହୁଁ ବରଂ ଫଟୋରେ ସଂପୂର୍ଣ୍ଣ ଭାବରେ ଦେଖିବାକୁ ମିଳିଛି ।
ଖବର ଅନୁସାରେ ଯେତେବେଳେ ଏହି ଖବର ପୋଲିସ ଅଧିକାରୀଙ୍କ ନିକଟରେ ପହଂଚିଲା ସେମାନେ ଦୁଇ ଯୁବକଙ୍କୁ ନେଇ ହସ୍ପିଟାଲରେ ଭର୍ତ୍ତି କଲେ । ଏହି ମଧ୍ୟରେ ଜଣେ ଯୁବକଙ୍କ ସ୍ୱାସ୍ଥ୍ୟାବସ୍ଥା ଗମ୍ଭୀର ଅଛି ।