ଖୁବ ଶୀଘ୍ର ଦର୍ଶକଙ୍କ ସାମ୍ନାକୁ ଆସିବ ‘ରାଉଡି ରାଥୋଡ’ର ସିକ୍ୱଲ
ଦୀର୍ଘ ୭ ବର୍ଷ ପରେ ବକ୍ସ ଅଫିସରେ ପୁଣି ଧମାଲ ମଚାଇବାକୁ ଯାଉଛି ‘ରାଉଡି ରାଥୋଡ’ । ଏହାର ଦ୍ୱିତୀୟ ଭାଗ ପ୍ରସ୍ତୁତ ହେବ ବୋଲି କିଛି ଦିନ ପୂର୍ବେ ଚର୍ଚ୍ଚା ହେଉଥିଲା । ଏହାର ପ୍ରଥମ ଭାଗରେ ଖିଲାଡୀ କୁମାର ଏବଂ ସଂଜୟ ଲୀଲା ଭଂସାଲୀ ପ୍ରଥମ ଥର ପାଇଁ ଏକାଠି କାମ କରିଥିଲେ । ଦୁହେଁ ଏହାର ଦ୍ୱିତୀୟ ଭାଗ ନିର୍ମାଣ କରିବା ପାଇଁ ବର୍ତ୍ତମାନ ଅଣ୍ଟା ଭିଡ଼ିଛନ୍ତି । ଆସନ୍ତା ୨୦୨୦ ମସିହାରେ ଏହାର ସୁଟିଂ କାମ ଆରମ୍ଭ ହେବ ବୋଲି ପ୍ରଡକ୍ସନ ଟିମ୍ ସୂଚନା ଦେଇଛନ୍ତି ।
ପ୍ରକାଶ ଥାଉ ଯେ, ଅକ୍ଷୟ କୁମାରଙ୍କ ଅଭିନୀତ ‘ପ୍ୟାଡମ୍ୟାନ’ର ପ୍ରମୋଶନ୍ ବେଳେ ସେ ‘ରାଓଡି ରାଥୋଡ୍-୨’ ପାଇଁ କାମ କରିବାକୁ ଇଚ୍ଛା ପ୍ରକାଶ କରିଥଲେ । ପ୍ରଥମ ଭାଗରେ ପ୍ରଭୁଦେବା ଫିଲ୍ମଟିକୁ ନିର୍ଦ୍ଦେଶନା ଦେଇଥିବା ବେଳେ ଏଥର କିଏ କରିବ ତାହା ପ୍ରଶ୍ନବାଚୀ ହୋଇଛି । ଏଥି ସହିତ ଅକ୍ଷୟଙ୍କ ବିପକ୍ଷରେ କେଉଁ ଅଭିନେତ୍ରୀ କାମ କରିବେ ତାହା ମଧ୍ୟ ସ୍ପଷ୍ଟ ହୋଇନାହିଁ । ମୁମ୍ବାଇ ମିରର୍କୁ ଦେଇଥିବା ସାକ୍ଷାତ୍କାରରେ ସଂଜୟ ଲୀଲା ଭଂସାଲୀ ଫିଲ୍ମଟିର ସ୍କ୍ରିପ୍ଟ ଉପରେ କାର୍ଯ୍ୟ ଚାଲିଥିବା କହିଛନ୍ତି