ଶାହାରୁଖ୍ ଖାନ୍ଙ୍କୁ ମିଳିଲା ଧମକ: ଓଡ଼ିଶାରେ ପାଦ ରଖିଲେ…………
ନିକଟରେ ହକି ବିଶ୍ୱ କପ ପାଇଁ ଓଡ଼ିଶା ଆସିବେ ବଲିଉଡ କିଙ୍ଗ ଶାହାରୁଖ ଖାନ ।ଶାହାରୁଖ୍ଙ୍କୁ ଓଡ଼ିଶାରେ ପ୍ରବେଶ ନ କରିବା ପାଇଁ ଧମକ ଦିଆଯାଇଥିବା ଜଣାପଡ଼ିଛି । ଯଦି ସେ ଓଡ଼ିଶାରେ ପାଦ ରଖନ୍ତି,ତେବେ ତାଙ୍କ ସହ ଏପରି ବ୍ୟବହାର କରାଯିବ ଯାହା ସେ କେବେ ବି ଭାବି ନଥିବେ ବୋଲି ଧମକ ମିଳିଛି । କଳିଙ୍ଗ ସେନା ନାମକ ସ୍ଥାନୀୟ ସଂଗଠନ ଏହି ଧମକ ଦେଇଥିବା ଜଣାପଡ଼ିଛି ।
ସୂଚନା ମୁତାବକ, ଓଡ଼ିଶାରେ ବିଶ୍ୱକପ ହକି ଆୟାଜନ ହେବାକୁ ଯାଉଛି । ଏହାର ଉଦ୍ଘାଟନୀ ଉତ୍ସବରେ ଶାହାରୁଖ୍ଙ୍କୁ ଅତିଥି ଭାବରେ ଅମନ୍ତ୍ରଣ କରାଯାଇଥିବା ବେଳେ କଳିଙ୍ଗ ସେନା ଏହାକୁ ବିରୋଧ କରିଛି । ଯଦି ଶାହାରୁଖ୍ ଓଡ଼ିଶା ଆସନ୍ତି ତେବେ ତାଙ୍କୁ କଳା ପତାକା ଦେଖାଇବା ସହ ତାଙ୍କ ମୁହଁ କଳା କରାଯିବ ବୋଲି ସଂଗଠନ ତରଫରୁ ଧମକ ଦିଆଯାଇଛି ।୧୭ବର୍ଷ ପୂର୍ବରୁ ରିଲିଜ୍ ହୋଇଥିବା ଫିଲ୍ମ ‘ଅଶୋକା’ରେ ଓଡ଼ିଶା ଏବଂ ଓଡ଼ିଶାବାସୀଙ୍କୁ ଅପମାନିତ କରାଯାଇଥିଲା । ଯାହା ପାଇଁ ଶାହାରୁଖ୍ କ୍ଷମା ମାଗି ନ ଥିଲେ । ଏହି କାରଣ ପାଇଁ ଆମେ ବିରୋଧ କରୁଛୁ ବୋଲି ସଂଗଠନ ତରଫରୁ କୁହାଯାଇଛି ।
