ବିଦେଶରେ ନୁହେଁ ଭାରତର ଏହି ସୁନ୍ଦର ଲୋକେସନରେ ହେବ ‘ଇଂଶାଲ୍ଲାହ’ର ସୁଟିଂ
ଫିଲ୍ମ ନିର୍ମାତା ସଂଜୟ ଲୀଲା ଭଂସାଲୀଙ୍କ ଫିଲ୍ମ ‘ଇଂଶାଲ୍ଲାହ’ରେ ଖୁବ ଶୀଘ୍ର ସଲମାନ ଖାନ ଏବଂ ଆଲିଆ ଭଟ୍ଟଙ୍କ ଯୋଡି ବଡ ପରଦାରେ ଦେଖିବାକୁ ମିଳିବ । ନିକଟରେ ଏହି ଫିଲ୍ମକୁ ନେଇ ମେକର୍ସ ବଡ ଘୋଷଣା କରିଥିଲେ । ଏବେ ଫିଲ୍ମକୁ ନେଇ ବଡ ଖବର ସାମ୍ନାକୁ ଆସିଛି । ମିଳିଥିବା ସୂଚନା ଅନୁସାରେ ସଲମାନ ଖାନ ଏବଂ ଆଲିଆ ଭଟ୍ଟଙ୍କ ଫିଲ୍ମ ଇଂଶାଲ୍ଲାହର ସୁଟିଂ ଋଷିକେଶ, ହରିଦ୍ୱାର ଏବଂ ବାରଣାସୀର ସୁନ୍ଦର ଲୋକେସନରେ ହେବ । ଏହା ସହିତ ଉତ୍ତରକାଶୀରେ ମଦ୍ୟା ଫିଲ୍ମର କିଛି ସିନ ସୁଟ କରାଯିବ ।
ନିର୍ମାତା ଚିନ୍ମୟ ପଣ୍ଡିତ ଫିଲ୍ମର ଲୋକେସନ ବିଷୟରେ କହିଥିଲେ, ଇଂଶାଲ୍ଲାହ ପାଇଁ ସଂଜୟ ଲୀଲା ଭଂସାଲୀ ନିକଟରେ ଋଷିକେଶ ଯାଇଥିଲେ । ଏବଂ ସେଠାରେ ସେ କିଛି ଲୋକେସନକୁ ଫିଲ୍ମ ପାଇଁ ସିଲେକ୍ଟ କରିଛନ୍ତି । ଏହା ସହିତ ସେ ହରିଦ୍ୱାରରେ କିଛି ସମୟ ବିତାଇବା ସହିତ ଗଙ୍ଗା ଆଳତୀ ମଧ୍ୟ କରିଥିଲେ ।
ଫିଲ୍ମ ବିଷୟରେ କହିବାକୁ ଗଲେ, ଫିଲ୍ମରେ ପ୍ରଥମ ଥର ପାଇଁ ସଲମାନଙ୍କ ସହିତ ଆଲିଆ ଭଟ୍ଟ ନଜର ଆସିବେ । ଫିଲ୍ମରେ ଦୁୁହେଁ କେଉଁ ଭଳି ଚରିତ୍ରରେ ନଜର ଆସିବେ ତାହାର ଖୁଲାସା ଏପର୍ଯ୍ୟନ୍ତ ହୋଇନାହିଁ । ଆଶା କରାଯାଉଛି ଯେ, ଏହି ଯୋଡିକୁ ଦର୍ଶକ ପସନ୍ଦ କରିବେ ।