‘ଭାରତ’ର ନୂଆ ପୋଷ୍ଟରରେ ବୁଢା ବ୍ୟକ୍ତି ଭାବେ ନଜର ଆସିଲେ ସଲମାନ ଖାନ, କହିଲେ…
ବଲିଉଡ ଭାଇଜାନ ସଲମାନ ଖାନଙ୍କ ଆଗାମୀ ଫିଲ୍ମ ‘ଭାରତ’କୁ ନେଇ ଦର୍ଶକଙ୍କ ଉତ୍ସାହ ଚରମ ସୀମାରେ । ଏହି ଫିଲ୍ମ ଚଳିତ ବର୍ଷ ଇଦରେ ରିଲିଜ ହେବ । ଫିଲ୍ମର ପ୍ରଥମଥର ପାଇଁ ସଲମାନ ଖାନଙ୍କୁ ୬ଟି ଭିନ୍ନ ଭିନ୍ନ ଲୁକରେ ନଜର ଆସିବେ ।
ଫିଲ୍ମରେ ସଲମାନଙ୍କ ଲୁକ୍ସକୁ ନେଇ ତାଙ୍କ ଫ୍ୟାନ୍ସ ଉତ୍ସାହିତ ଥିବା ବେଳେ ଆଜି ସଲମାନ ଖାନ ଫିଲ୍ମରେ ନିଜର ନୂଆ ଲୁକକୁ ରିଲିଜ କରିଛନ୍ତି । ଏହି ପୋଷ୍ଟରରେ ସଲମାନ ଜଣେ ବୁଢା ବ୍ୟକ୍ତି ଭାବେ ନଜର ଆସିଛନ୍ତି । ସଲମାନ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ପୋଷ୍ଟର ସେୟାର କରି କ୍ୟାପସନରେ ଲେଖିଛନ୍ତି- ‘ଯେତେ ସଫା କେଶ ମୋ ମୁଣ୍ଡ ଏବଂ ଦାଢିରେ ଅଛି ତା’ ଠାରୁ ଅଧିକ ରଙ୍ଗିନ ମୋ ଜୀବନ ରହିଛି ।’
ସଲମାନ ଖାନଙ୍କ ଫିଲ୍ମ ‘ଭାରତ’ରେ ଦେଶର ସ୍ୱାଧିନତା ଠାରୁ ଆରମ୍ଭ କରି ଏପର୍ଯ୍ୟନ୍ତ ସମୟର କାହଣୀ ଦେଖିବାକୁ ମିଳିବ । ଫିଲ୍ମରେ ସଲମାନ ଖାନଙ୍କ ଅପୋଜିଟରେ କ୍ୟାଟ୍ରିନା କୈଫ ନଜର ଆସିବେ । ଦୁହିଁଙ୍କ ବ୍ୟତିତ ଫିଲ୍ମରେ ଜ୍ୟାକି ଶ୍ରଫ, ନୋରା ଫତେହୀ, ଦିଶା ପଟାନୀ, ସୁନିଲ ଗ୍ରୋଭର,ତବୁଙ୍କ ପରି କଳାକାର ନଜର ଆସିବେ ।
ଫିଲ୍ମର ନିର୍ଦ୍ଦେଶନା ଅଲ୍ଲୀ ଅବାସ ଜଫର ଦେଇଥିବା ବେଳେ ଫିଲ୍ମର ଟ୍ରେଲର ୨୪ ଏପ୍ରିଲରେ ରିଲିଜ ହେବ ବୋଲି ଖବର ଆସିଛି । ଏହା ପୂର୍ବରୁ ଫିଲ୍ମର ଟିଜର ରିଲିଜ କରାଯାଇଥିଲା ଯାହାକୁ ଦର୍ଶକ ଖୁବ ପସନ୍ଦ କରିଥିଲେ ।