ଶେଷ ହେଲା ‘ଦବଙ୍ଗ ଥ୍ରି’ର ସୁଟିଂ, ବିନୋଦ ଖନ୍ନାଙ୍କୁ ଖୁବ ମନେ ପକାଇଲେ ସଲମାନ, ଦେଖନ୍ତୁ ଭିଡ଼ିଓ
ବଲିଉଡ ଆକ୍ଟର ସଲମାନ ଖାନ ଆଗାମୀ ଦିନରେ ଫିଲ୍ମ ଦବଙ୍ଗ ଥ୍ରିରେ ନଜର ଆସିବେ ।ଏହି ଫିଲ୍ମ ଚଳିତ ବର୍ଷ ୨୦ ଡିସେମ୍ବରକୁ ରିଲିଜ ହେବ । ଗତକାଲି ରବିବାର ରାତିରେ ଏହି ଫିଲ୍ମର ସୁଟିଂ ଶେଷ ହୋଇଛି । ସଲମାନ ସୋସିଆଲ ମିଡିଆରେ ଏକ ଭିଡ଼ିଓ ଶେୟାର କରିଛନ୍ତି । ଯେଉଁଥିରେ ତାଙ୍କ ସହିତ ଫିଲ୍ମର ନିର୍ଦ୍ଦେଶକ ପ୍ରବୁ ଦେବା ଏବଂ ଟିମ ସଦସ୍ୟମାନେ ନଜର ଆସିଛନ୍ତି । ଭିଡ଼ିଓରେ ସଲମାନ କହୁଛନ୍ତି ସ୍ୱର୍ଗୀୟ ଅଭିନେତା ବିନୋଦ ଖନ୍ନାଙ୍କ ଜନ୍ମଦିନରେ ଏହି ଫିଲ୍ମର ସୁଟିଂ ଶେଷ ହୋଇଛି ।
ଭିଡ଼ିଓରେ ସଲମାନ କହୁଛନ୍ତି ଆଜି ଆମ ଫିଲ୍ମ ସୁଟିଂର ଶେଷ ଦିନ ଥିଲା । ପ୍ୟାକଅପ ହୋଇ ସାରିଛି । ଆଜି ଆମ ବିକେ ସାର ମାନେ ବିନୋଦ ସାରଙ୍କ ଜନ୍ମଦିନ । ଆମ ସହିତ ପ୍ରମୋଦ ସାର ଅଛନ୍ତି, ଅର୍ଥାତ ଆପଣଙ୍କ ଭାଇ । ଉଇ ମିସ ୟୁ ସର ।
କହିରଖୁଛୁ ଦବଙ୍ଗରେ ପୂର୍ବରୁ ବିନୋଦ ଖନ୍ନାଙ୍କୁ ପ୍ରଜାପତି ଚରିତ୍ରରେ ଦେଖିବାକୁ ମିଳିଥିଲା । ଦବଙ୍ଗ ଥ୍ରିରେ ବିନୋଦଙ୍କ ସ୍ଥାନରେ ତାଙ୍କ ଭାଇ ପ୍ରମୋଦ ନଜର ଆସିବେ ।