ଭଡ଼ା ଘରେ ସେକ୍ସ ରାକେଟ୍ ର ପର୍ଦ୍ଦାଫାସ, ମହିଳା ଏଜେଂଟ ସହିତ ଦୁଇ ଜଣ ଗିରଫ

ଖଣ୍ଡ ନଗରୋଟା ବଗବାଂର ନିକଟବର୍ତ୍ତୀ ଗ୍ରାମପଂଚାୟତ ପଠିୟାରରେ ନଗରୋଟା ପୋଲିସ ଏକ ଭଡା ଘର ଉପରେ ଚଢଉ କରିଛି । ଏହି ଘରେ ଦେହ ବ୍ୟବସାୟ କରାଯାଉଥିବା ବେଳେ ଏଥିରେ ଲିପ୍ତ ଥିବା ନେପାଳର ୩୫ବର୍ଷୀୟ ମହିଳାଙ୍କ ସହିତ ଦେହ ବ୍ୟାପାର କରଉଥିବା ଏଜେଂଟକୁ ମଧ୍ୟ ପୋଲିସ ଗିରଫ କରିଛି । ସୂଚନାନୁସାରେ, ନଗରୋଟା ପୁଲିସକୁ ପଠିୟାରରେ ଜଣେ ମହିଳାଙ୍କ ଦ୍ୱାରା ଦେହ ବ୍ୟାପାର କରାଯାଉଥିବାର ସୂଚନା ମିଳିଥିଲା ।

ଶୁକ୍ରବାର ଦିନ ପୋଲିସ ଥାନା ଅଧିକାରୀ ଭାରତ ଭୂଷଣ ଏବଂ ମହିଳା ଥାନା ଧର୍ମଶାଳାର ଅଧିକାରୀ ଚିନ୍ତା ରାମଙ୍କ ଉପସ୍ଥିତିରେ ପୋଲିସ ଜଣକୁ ନକଲି ଗ୍ରାହକ ଭାବେ ସେହି ମହିଳାଙ୍କ ନିକଟକୁ ପଠାଇ ଏଥିରେ ସମ୍ପୃକ୍ତ ଦୁଇ ଜଣ ମହିଳାଙ୍କୁ ଗିରଫ କରିଥିଲା ।

ଗ୍ରାହକମାନଙ୍କ ଠାରୁ ମିଳୁଥିଲା ୫୦୦ରୁ ୨୦୦୦ ଟଙ୍କା
ପୋଲିସ ଥାନା ଅଧିକାରୀ ଭାରତ ଭୂଷଣ କହିଛନ୍ତି ଯେ, ଦେହ ବ୍ୟାପାରରେ ସମ୍ପୃକ୍ତ ଥିବା ମହିଳା କିରଣ କୁମାରୀ ନେପାଳର ଅଧିôବାସୀ । ସେ କିଛି ଦିନ ପାଇଁ କସ୍ୱା ପଠିୟାରରେ ଦିଲିପ ଶର୍ମାଙ୍କ ଘରକୁ ଭଡାରେ ନେଇଥିଲେ । ସ୍ଥାନୀୟ ଲୋକ ଏବଂ ଜାଗୋରୀ ସଂସ୍ଥାର ସହଯୋଗରେ ଏହି ଘଟଣାର ପର୍ଦ୍ଦାଫାସ ହୋଇଥିଲା । କୁହାଯାଉଛି ଯେ, ଏହି ମହିଳା ଜଣଙ୍କ ଅନେକ ଦିନ ଧରି ଏହି କାର୍ଯ୍ୟରେ ଲିପ୍ତ ଥିବା ସହିତ ଗ୍ରାହକଙ୍କ ଠାରୁ ୫୦୦ରୁ ୨୦୦୦ ପର୍ଯ୍ୟନ୍ତ ଆଦାୟ କରୁଥିଲେ ।

କାଲି କୋର୍ଟରେ ମହିଳାଙ୍କୁ ପଠାଯିବ
ପୁଲିସ କହିବାନୁଯାୟୀ, ଅନୈତିକ ବ୍ୟାପାର ନିବାରଣ ଅଧିନିୟମ ଧାରା ୩-୪-୬ ଅନୁସାରେ ମାମଲା ରୁଜୁ କରି ଦୁଇ ମହିଳାଙ୍କୁ ଗିରଫ କରାଯାଇଛି । ଯାହାଙ୍କୁ କାଲି ନ୍ୟାୟାଳୟରେ ଉପସ୍ଥିତ କରାଯିବ । ପୁଲିସ ଟିମରେ ଏ.ଏସ.ଆଇ. ଅଶୋକ ରାଣା, ଏ.ଏସ.ଆଈ. ଲୀଲାଧର, ମୁଖ୍ୟ ସୁରକ୍ଷା ଅଧିକାରୀ ବିନୋଦ କୁମାର, ମହିଳା ଥାନାର ମୁଖ୍ୟ ଅଧିକାରୀ ପୂଜା ଦେବୀ, ତୃପ୍ତା ଦେବୀ, ଆଶା ଦେବୀ ଏବଂ ଜାଗୋରୀ ସଂସ୍ଥାର ସିମା ଅବସ୍ଥୀ ଓ ମୋନିକା ଉପସ୍ଥିତ ଥିଲେ । ଏହାର ପୃଷ୍ଟି ଏସ.ପି. କାଂଗଡା ବିମୂକ୍ତ ରଞ୍ଜନ କରିଥିଲେ ।