ବଲିଉଡ ଅଭିନେତ୍ରୀ ସୋନମ କପୁର ନିକଟରେ ପତି ଆନନ୍ଦ ଆହୁଜାଙ୍କ ସହିତ ମୁମ୍ବାଇ ଏୟାରପୋର୍ଟରେ ନଜର ଆସିଥିଲେ । ଦୁହେଁ କାନ୍ସ ଫେଷ୍ଟିଭାଲକୁ ଯିବା ପାଇଁ ଏୟାରପୋର୍ଟରେ ପହଁଚିଥିଲେ । ଖବର ଅନୁସାରେ କାନ୍ସରେ ସୋନମ ଆନନ୍ଦଙ୍କ ସହିତ ନଜର ଆସିପାରନ୍ତି ।
ଏୟାରପୋର୍ଟରେ ଉଭୟ ପରସ୍ପରର ହାତ ଧରାଧରି ହୋଇ ଯାଉଥିବାର ଦେଖିବାକୁ ମିଳିଥିଲା । ସୋନମ ଫ୍ଲୋରାଲ ସାଢୀରେ ନଜର ଆସିଥିବା ବେଳେ ଆନନ୍ଦ କୋଟ ଏବଂ ବ୍ଲାକ ପ୍ୟାଣ୍ଟରେ ଷ୍ଟାଇଲିସ ଦେଖାଯାଉଥିଲେ ।
ଏହି ସମୟର ଏକ ସେଲ୍ଫି ମଧ୍ୟ ସୋନମ ନିଜ ଇଂଷ୍ଟାଗ୍ରାମ ଷ୍ଟୋରୀରେ ସେୟାର କରିଛନ୍ତି । ଏହି ଫଟୋ ସୋସିଆଲ ମିଡିଆରେ ଏବେ ଖୁବ ଭାଇରାଲ ହେବାରେ ଲାଗିଛି ।
ଫଟୋ ବ୍ୟତିତ ସୋନମ ଏକ ଭିଡିଓ ମଧ୍ୟ ସେୟାର କରିଛନ୍ତି । ଯେଉଁଥିରେ ସେ ଆନନ୍ଦଙ୍କ କାନ୍ଧରେ ମୁଣ୍ଡ ରଖି ଆରାମ କରୁଥିବାର ଦେଖିବାକୁ ମିଳିଛି ।
କହିରଖୁଛୁ ଯେ ସୋନମ ବିବାହ ପରେ ପ୍ରଥମ ଥର ପାଇଁ କାନ୍ସର ରେଡ କାର୍ପେଟରେ ନଜର ଆସିବେ । ସୋନମ ୧୪ ଏବଂ ୧୫ ମଇକୁ କାନ୍ସରେ ୱାକ କରିବେ । ତେବେ ସୋନମଙ୍କ ପତି ଆନନ୍ଦ ତାଙ୍କ ସହିତ ନଜର ଆସିବେ କି ନାହିଁ ସମୟ ହିଁ କହିବ ।
