Birthday Special :୧୩ ବର୍ଷ ବୟସରେ ମା’ଭୂମିକାରେ ନଜର ଆସିଥିଲେ ଶ୍ରୀଦେବୀ, ରଜନୀକାନ୍ତ ଏବଂ କମଲ ହାସନଙ୍କ ସହିତ ଦେଇଛନ୍ତି ଅନେକ ସୁପରହିଟ ଫିଲ୍ମ
ବଲିଉଡ ଅଭିନେୁତ୍ରୀ ଶ୍ରୀଦେବୀ ଆମ ଗହଣରେ ନାହାଁନ୍ତି ସତ କିନ୍ତୁ ତାଙ୍କ ଅଭିନୟ ଆଜି ମଧ୍ୟ ଲୋକଙ୍କ ହୃଦୟରେ ରହିଛି । ଶ୍ରୀଦେବୀଙ୍କ ହଠାତ ମୃତ୍ୟୁ ଖବର ଶୁଣି ତାଙ୍କ ଫ୍ୟାନ୍ସମାନଙ୍କୁ ଗଭୀର ଆଘାତ ଲାଗିଥିଲା । କାରଣ ଭାରତୀୟ ସିନେମା ଜଣେ ପ୍ରକ୍ଷାତ ଅଭିନେତ୍ରୀଙ୍କୁ ହରାଇଥିଲା । ଶ୍ରୀଦେବୀଙ୍କୁ ଶେଷ ଥର ପାଇଁ ଫିଲ୍ମ ‘ମମ’ରେ ଦେଖିବାକୁ ମିଳିଥିଲା । ଆଉ ଏହି ଫିଲ୍ମ ପାଇଁ ତାଙ୍କୁ ନ୍ୟାସନାଲ ଆୱାର୍ଡ ମିଳିଥିଲା । ମାତ୍ର ଏହି ଆୱାର୍ଡ ପୂର୍ବରୁ ହିଁ ସେ ଦୁନିଆ ଛାଡି ଚାଲିଯାଇଥିଲେ ।
୧୩ ଅଗଷ୍ଟ ୧୯୬୩ରେ ଶ୍ରୀଦେବୀଙ୍କ ଜନ୍ମ ହୋଇଥିଲା । ଶ୍ରୀଦେବୀଙ୍କ ଜନ୍ମତିଥିରେ ଆସନ୍ତୁ ଜାଣିବା ତାଙ୍କ ବିଷୟରେ କିଛି ରେଚକ କଥା । ଶ୍ରୀଦେବୀ ଖୁବ ଛୋଟ ବୟସରେ ହିଁ ନିଜ କ୍ୟାରିଅର ଆରମ୍ଭ କରିଥିଲେ । ସେ ଅନେକ ତାମିଲ ତେଲଗୁ ଫିଲ୍ମରେ କାମ କରିଛନ୍ତି । ରଜନୀକାନ୍ତ ଏବଂ କମଲ ହାସନଙ୍କ ସହିତ ସେ ଅନେକ ହିଟ ଫିଲ୍ମ ଭେଟି ଦେଇଛନ୍ତି ।
ଶ୍ରୀଦେବୀ ଯେବେ ମାତ୍ର ୧୩ ବର୍ଷର ଥିଲେ ସେତେବେଳେ ସେ ‘ମୁନ୍ଦରୁ ମୁଦିଚୁ’ ନାମକ ଏକ ଫିଲ୍ମରେ ମା’ ଭୂମିକାରେ ନଜର ଆସିଥିଲେ । ଏହା ପରେ ସେ ଅନେକ ସୁପରହିଟ ଫିଲ୍ମରେ ନଜର ଆସିଛନ୍ତି । ବିବାହ ପରେ ଶ୍ରୀଦେବୀ ଲମ୍ବା ସମୟ ପାଇଁ ଫିଲ୍ମରୁ ବ୍ରେକ ନେଇଥିଲେ । ୧୫ ବର୍ଷ ପରେ ସେ ‘ଇଙ୍ଗଲିସ ଭିଙ୍ଗଲିସ’ରେ ପରଦାକୁ ଫେରିଥିଲେ । ଫିଲ୍ମରେ ତାଙ୍କ ଅଭିନୟକୁ ସମସ୍ତେ ଖୁବ ପସନ୍ଦ କରିଥିଲେ ।