ବେବି ଡଲ ହେବା ପରେ ଅଭିନେତ୍ରୀ ସନି ଲିଏନି ପୁଣିଥରେ ନିଜର ଧମକାଦାର ଆଇଟମ ସଙ୍ଗ ଜରିଆରେ ଦର୍ଶକଙ୍କ ହୃଦୟ ଜିତିବା ପାଇଁ ଆସିଛନ୍ତି । ନିକଟରେ ରିଲିଜ ହୋଇଛି ସନି ଲିଓନିଙ୍କ ନୂଆ ଆଇଟମ ଗୀତ ‘ହ୍ୟାଲୋ ଜୀ’ । ଏକତା କପୁରଙ୍କ ୱେବ ସିରିଜ ରାଗିନୀ ଏମଏମଏସ ରିଟର୍ଣ୍ଣସ ୨ ସନି ଲିଓନିଙ୍କ ଏହି ଗୀତ ସ୍ଥାନ ପାଇଛି । ଏହି ୱେବ ସିରିଜରେ ରିଅଲ ଲାଇଫ କପଲ ବରୁଣ ସୁଦ ଏବଂ ଦିବ୍ୟା ଅଗ୍ରୱାଲ ନଜର ଆସିବେ ।
ରିଲିଜ ହୋଇଥିବା ଏହି ଗୀତରେ ମିତ ବ୍ରଦର୍ସ ଏବଂ କନିକା କପୁରଙ୍କ ଆକର୍ଷଣୀୟ ଗାୟିକି ଶୁଣିବାକୁ ମିଳିଛି । ଗୀତର ଲିରିକ୍ସ କୁମାର ଲେଖିଥିବା ବେଳେ ଏହାର ମ୍ୟୁଜିକ ଦେଇଛନ୍ତି ମିତ ବ୍ରଦର୍ସ । ଗୀତକୁ ଏପର୍ଯ୍ୟନ୍ତ ୬ ଲକ୍ଷରୁ ଅଧିକ ଭ୍ୟୁଜ ମିଳିସାରିଲାଣି ।
