ପାଚିଲା କଦଳୀ ଖାଇବାର ଅନେକ ଫାଇଦା ବିଷୟରେ ଆମେ ସମସ୍ତେ ଜାଣୁ । ଅନେକ ଲୋକ ମସଲ୍ସ ବଢାଇବା ପାଇଁ ପତ୍ୟେକ ଦିନ ପାଚିଲା କଦଳୀ ମଧ୍ୟ ଖାଇଥାନ୍ତି । ଅନ୍ୟ ପକ୍ଷରେ କଂଚା କଦଳୀ ପ୍ରାୟତଃ ରୋଷେଇରେ ବ୍ୟବହାର କରାଯାଇଥାଏ । କଂଚା କଦଳୀ ନିୟମିତ ଖାଇବା ଦ୍ୱାରା ମଧ୍ୟ ଅନେକ ଫାଇଦା ମିଳିଥାଏ । ଏହା ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିବା ସହିତ ଶରୀରକୁ ଶକ୍ତି ପ୍ରଦାନ କରିଥାଏ । କଂଚା କଦଳୀରେ ଆଣ୍ଟିଅକ୍ସିଡେଣ୍ଟସ ଓ ଷ୍ଟାର୍ଚ ପ୍ରଚୁର ପରିମାଣରେ ମିଳିଥାଏ । କଂଚା କଦଳୀ ଖାଇବା ଦ୍ୱାରା ଓଜନ କମିବା, କୋଷ୍ଠକାଠିନ୍ୟରୁ ମୁକ୍ତି, ଭୋକ ନିୟନ୍ତ୍ରଣରେ ରଖିବା ଏବଂ ମଧୁମେହ ରୋଗ ମଧ୍ୟ ନିୟନ୍ତ୍ରଣରେ ରହିଥାଏ । ତେବେ ଆସନ୍ତୁ ଜାଣିବା କଂଚା କଦଳୀ ଖାଇବାର ଲାଭ ବିଷୟରେ ।
- ଭୋକକୁ ନିୟନ୍ତ୍ରଣରେ ରଖିଥାଏ –
ଅଧିକ ମାତ୍ରାରେ ଭୋକ ଲାଗିବା ମୋଟାପଣର କାରଣ ହୋଇଥାଏ । କଂଚା କଦଳୀରେ ଫାଇବର୍ସ ଥାଏ । ଏହା ବ୍ୟତୀତ ଅନେକ ପୋଷକ ତତ୍ୱ ଥାଏ ଯାହା ଭୋକରୁ ନିୟନ୍ତ୍ରଣରେ ରଖିଥାଏ । ତେଣୁ ଏହାକୁ ଖାଇବା ଦ୍ୱାରା ବାରମ୍ବାର ଭୋକ ଲାଗିନଥାଏ ।
- କୋଷ୍ଠକାଠିନ୍ୟରୁ ମୁକ୍ତି ଦେଇଥାଏ –
ଫାଇବରରେ ଭରପୂର କଂଚା କଦଳୀରେ ସ୍ୱାସ୍ଥ୍ୟକାରୀ ଷ୍ଟାର୍ଚ ମଧ୍ୟ ରହିଥାଏ । ଫଳରେ ଏହା ଅନ୍ତ ନଳୀରେ ଅଶୁଦ୍ଧିକୁ ଜମା ହେବାକୁ ଦେଇନଥାଏ । ଯଦି ଆପଣଙ୍କର କୋଷ୍ଠକାଠିନ୍ୟ ସମସ୍ୟା ଥାଏ ତେବେ କଂଚା କଦଳୀକୁ ଖାଇବା ଦ୍ୱାରା ଏହି ସମସ୍ୟା ଦୂର ହୋଇଥାଏ । - ଓଜନ ହ୍ରାସ କରିବାରେ-
କଂଚା କଦଳୀ ଓଜନ ହ୍ରାସ କରିବାରେ ମଧ୍ୟ ସାହାଯ୍ୟ କରିଥାଏ । ଏଥିରେ ଭରପୂର ମାତ୍ରାରେ ପାଇବର୍ସ ରହିଥାଏ ଯାହା ଅନାବଶ୍ୟକ ଫ୍ୟାଟ ସେଲ୍ସ ଓ ଅଶୁଦ୍ଧିକୁ ଶରୀରରୁ ସଫା କରିଥାଏ । - ମଧୁମେହ ରୋଗ ପାଇଁ-
ଯଦି ଆପଣ ମଧୁମେହ ରୋଗୀ କିମ୍ବା ଆପଣ ମଧୁମେହ ରୋଗର ପ୍ରଥମ ପର୍ଯ୍ୟାୟରେ ଅଛନ୍ତି ତେବେ ବର୍ତ୍ତମାନ ଠାରୁ କଂଚା କଦଳୀ ଖାଇବା ଆରମ୍ଭ କରି ଦିଅନ୍ତୁ । ମଧୁମେହ ରୋଗକୁ ନିୟନ୍ତ୍ରଣ କରିବା ପାଇଁ ଏହା ଔଷଧ ପରି କାମ କରିବା । - ହାଡକୁ ମଜବୁତ କରିବା ପାଇଁ-
କଂଚା କଦଳୀରେ ଭିଟାମିନ, ମ୍ୟାଗ୍ନେସିୟମ, କ୍ୟାଲସିୟମ ପର୍ଯ୍ୟାପ୍ତ ପରିମାଣରେ ମିଳିଥାଏ । ହାଡକୁ ମଜବୁତ କରିବା ପାଇଁ ଏବଂ ଆଣ୍ଠୁଗଣ୍ଠି ସମସ୍ୟା ପାଇଁ ଏହା ସାହାଯ୍ୟ କରିଥାଏ । - ମୁଡ ଠିକ କରିବା ପାଇଁ-
ଏକ ଗବେଷଣାରେ କୁହାଯାଇଛି ଯେ କଂଚା କଦଳୀରେ ଏମିନୋ ଏସିଡ ମଧ୍ୟ ମିଳିଥାଏ । ଏହା ମସ୍ତିଷ୍କରେ ହେଉଥିବା ରାସାୟନିକ ପରିବର୍ତ୍ତନକୁ ସନ୍ତୁଳିତ କରିଥାଏ । ଏହା ଫଳରେ ବାରମ୍ବାର ହେଉଥିବା ମନର ପରିବର୍ତ୍ତନକୁ ମଧ୍ୟ ନିୟନ୍ତ୍ରଣ କରିଥାଏ ।
