ବାସ୍ତୁ ଅନୁସାରେ ହେଉ କିମ୍ବା ଜ୍ୟୋତିଷଙ୍କ ପରାମର୍ଶ ଏବଂ କେବେ କେବେ ନିଜ ଇଛାରେ ପ୍ରାୟ ବ୍ୟକ୍ତି ରୁଦ୍ରାକ୍ଷ ଧାରଣ କରିବାକୁ ଖୁବ ପସନ୍ଦ କରନ୍ତି । କାରଣ ସମସ୍ତେ ଜାଣନ୍ତି ରୁଦ୍ରାକ୍ଷ ଏକ ସୁରକ୍ଷା କବଚ ଭାବରେ କାର୍ଯ୍ୟ କରିଥାଏ । ଯେଉଁମାନେ ଏହାକୁ ଧାରଣ କରନ୍ତି ସେମାନେ ଏକ ସାଧକ ଭାବରେ ଜୀବନଯାପନ କରନ୍ତି । ସେମାନଙ୍କୁ ସାତ୍ତ୍ୱିକ ଭାବରେ ବଂଚିବାକୁ ପଡ଼ିଥାଏ । କାରଣ ସମସ୍ତେ ଜୀବନରେ ସଫଳ ହେବାକୁ ଚାହୁଁଛନ୍ତି । ତେବେ ରୁଦ୍ରାକ୍ଷ ଗଛ ବିଶେଷକରି ହିମାଳୟ,ଏବଂ ପଶ୍ଚିମ ଘାଟ ସମେତ ଅନ୍ୟ କିଛି ସ୍ଥାନରେ ମଧ୍ୟ ମିଳିଥାଏ ।
ଆମ ଦେଶରେ ରେଳ ଧାରଣା ତିଆରି କରିବା ସମୟରେ ରୁଦ୍ରାକ୍ଷର କାଠକୁ ବ୍ୟବହାର କରାଯାଏ । ଅଧିକ ବ୍ୟବହାର କରିବା ହେତୁ ଆମେ ଦେଶରେ ଏହାର ପରିମାଣ ଖୁବ କମ ରହିଛି । ତେବେ ସାଧୁ ସନ୍ୟାସୀ ଏବଂ ସାଧକଙ୍କ ପାଇଁ ରୁଦ୍ରାକ୍ଷ ଖୁବ ସହାୟକ ହୋଇଥାଏ ।
ରୁଦ୍ରାକ୍ଷର ଗୁଣ ପରୀକ୍ଷା କରିବା ପାଇଁ ଏହାକୁ ଜଳ ଉପରେ ରଖିବା ପରେ ଏହା ଘଂଟା ଦିଗରେ ଘୂରିଥାଏ । ଯଦି ଏହା ପୂର୍ବପରି ରହିଥାଏ କିମ୍ବା ବୁଡ଼ିଯାଏ ତେବେ ଜାଣିପାରିବେ ଯେ ଏହା ଅସଲି ନୁହେଁ ବରଂ ନକଲି ରୁଦ୍ରାକ୍ଷ । ତେବେ ରୁଦ୍ରାକ୍ଷର ଗୁଣବତ୍ତା ଜଳ ଦ୍ୱାରା ଜଣା ଯାଇଥାଏ । ତେବେ ଏହା ଉତ୍ତର ଦିଗରୁ ଦକ୍ଷିଣ ଦିଗକୁ ଘୂରିବା ଭଲ ହୋଇଥାଏ । ଜୀବନରେ ରୁଦ୍ରାକ୍ଷର ଲୌକିକତାର ଉପଯୋଗ ରହିଛି । ସାମାନ୍ୟ ଲୋକଙ୍କ ପାଇଁ ମଧ୍ୟ ଏହାର ଉପଯୋଗିତା ରହିଛି । ନକରାତ୍ମକ ଶକ୍ତିରୁ ବଂଚିବା ପାଇଁ ବିକଳ୍ପ ମିଳିସାରିଛି କିନ୍ତୁ ଆଧ୍ୟାତ୍ମିକ ଉନ୍ନତି କ୍ଷେତ୍ରରେ ରୁଦ୍ରାକ୍ଷକୁ ଟକ୍କର ଦେବା ପାଇଁ କେହି ନାହାଁନ୍ତି ।
