ମାଙ୍ଗଳିକ ଦୋଷକୁ କାଟିବା ପାଇଁ କିଛି ସାଧାରଣ ଉପାୟ
ମାଙ୍ଗଳିକ ଯେ ଏକ ଦୋଷ ଏହା ସମସ୍ତେ ଜାଣନ୍ତି । ଏହା କୁଜ ଦୋଷ,ଭୋମ ଦୋଷ ଏବଂ ଅଙ୍ଗରଖା ଦୋଷ ଭାବରେ ମଧ୍ୟ ଜଣାଶୁଣା । ମାଙ୍ଗଳିକ ଦୋଷ ଥିବା ପୁଅ କିମ୍ବା ଝିଅଙ୍କର ବିବାହକୁ ନେଇ ଅନେକ ସମସ୍ୟା ସୃଷ୍ଟି ହୋଇଥାଏ । ଯାହା ଦ୍ୱାରା ବିବାହ କରିଥିବା ପୁଅ କିମ୍ବା ଝିଅର ମୃତ୍ୟୁ ହୋଇଥାଏ ବା ସେମାନେ ପାରାଲାଇଜଡ ହୋଇ ଯାଇଥାନ୍ତି । ଏହା ବ୍ୟତୀତ ବିଭିନ୍ନ ସମୟରେ କଳହ ମଧ୍ୟ ଲାଗି ରହିଥାଏ ଏବଂ ଛାଡ଼ପତ୍ର ପର୍ଯ୍ୟନ୍ତ ମଧ୍ୟ କଥା ପହଂଚିଯାଏ । ତେବେ ଏହି ଦୋଷକୁ କାଟିବା ପାଇଁ କେତେକ ପନ୍ଥା ମଧ୍ୟ ରହିଛି । ଆସନ୍ତୁ ଜାଣିବା କ’ଣ କରିବା ଦରକାର ।
ଗୋଟିଏ ମାସର ପ୍ରଥମ ମଙ୍ଗଳବାରର ଉଦିତ ଚନ୍ଦ୍ରର ଅବଧି ସମୟରେ ପ୍ରତିଦିନ ହନୂମାନ ଚାଳିଶା ଗାନ କରିବା ଆବଶ୍ୟକ ।
ମଙ୍ଗଳବାର ଆରମ୍ଭରେ ତୁଳସୀ ରାମଚରିତ ମାନସର ସୁନ୍ଦର କାଣ୍ଡକୁ ୪୦ ଦିନ ପର୍ଯ୍ୟନ୍ତ ନିୟମିତ ଭାବରେ ଗାନ କରିବା ଆବଶ୍ୟକ ।
ମାଙ୍ଗଳିକ ଦୋଷର ବ୍ୟକ୍ତି କୁମ୍ଭ ବିବାହ, ବିଷ୍ଣୁ ବିବାହ ଏବଂ ଅଶ୍ୱଥ ବିବାହ କରିବା ଆବଶ୍ୟକ । ଅଶ୍ୱଥ ବିବାହର ଅର୍ଥ ହେଉଛି ମାଙ୍ଗଳିକ ଦୋଷର ବ୍ୟକ୍ତିକୁ ଏକ ଅଶ୍ୱଥ ଗଛ କିମ୍ବା କଦଳୀ ଗଛ ସହିତ ବିବାହ କରି ଶେଷରେ ସେହି ଗଛକୁ କାଟି ଦେବା ଦରକାର । କୁମ୍ଭ ବିବାହର ଅନ୍ୟ ନାମ ହେଉଛି ଘାଟ ବିବାହ । ଏହି ବିବାହରେ ମାଙ୍ଗଳିକ ଦୋଷ ଥିବା ବ୍ୟକ୍ତିକୁ ଏକ କୁମ୍ଭ ସହିତ ବିବାହ କରି ଶେଷରେ ତାହାକୁ ଭାଙ୍ଗିଦେବା ଆବଶ୍ୟକ ।
ପ୍ରଭୁ ଗଣେଶଙ୍କର କମଳା ରଙ୍ଗର ପ୍ରତିମୂର୍ତ୍ତିକୁ ପୂଜା ଘରେ ରଖି ପ୍ରତିଦିନ ପୂଜା କରିବା ଦ୍ୱାରା ମଧ୍ୟ ଏହି ଦୋଷ କଟିଥାଏ ।
ଯଦି ଦୁଇଜଣଙ୍କର ମଙ୍ଗଳ ଦୋଷ ଥାଏ ତେବେ ଏହାର କୌଣସି କୁପ୍ରଭାବ ପଡ଼େ ନାହିଁ ଏବଂ ସେମାନଙ୍କ ଜୀବନ ସୁଖମୟ ହୋଇଥାଏ ।
