ଇଂଷ୍ଟାଗ୍ରାମ କପଲଙ୍କ ‘Dangerous Kiss’, ଲୋକେ ଦେଲେ ଏପରି ରିଆକ୍ସନ
ଆମେରିକାର ପପୁଲାର ଇଂଷ୍ଟାଗ୍ରାମ କପଲ କେଲୀ କୈସିଲ ଏବଂ କୋଡି ୱର୍କମ୍ୟାନ ଏପରି ଏକ ଫଟୋ ଇଂଷ୍ଟାଗ୍ରାମରେ ସେ ୟାର କରିଛନ୍ତି ଯାହାକୁ ନେଇ ଏବେ ଖୁବ ଆଲୋଚନା ହେବାରେ ଲାଗିଛି । ଲୋକେ ଦୁହିଁଙ୍କ ଫଟୋକୁ ସବୁଠାରୁ ବିପଦଜନକ ଏବଂ ମୁର୍ଖତା ବୋଲି କହୁଛନ୍ତି ।
ଅସଲରେ ଏହି କପଲ ମଙ୍ଗଳବାର ଏକ ଫଟୋ ସେ ୟାର କରିଥିଲେ । ଏହି ଫଟୋରେ କପଲ ପରସ୍ପରକୁ ପୁଲରେ କିସ କରୁଥିବାର ନଜର ଆସିଛନ୍ତି । ଫଟୋରେ ଦେଖିବାକୁ ମିଳିଛି ଯେ, କେଲୀ ପୁଲର ବାଉଣ୍ଡରୀରେ ଲଟକିଛନ୍ତି । ଏବଂ କୋଡି ପୁଲରେ ଥାଇ ତାଙ୍କୁ କିସ କରୁଛନ୍ତି । ଖବର ଅନୁସାରେ ଦୁହେଁ ଏହି ଫଟୋକୁ କୟୋନ ଜଙ୍ଗଲ ରିସର୍ଟରେ ଉଠାଇଛନ୍ତି ।
ସୋସିଆଲ ମିଡିଆରେ ଦୁହେଁ ଏହି ଫଟୋ ସେୟାର କରିବା ପରେ ଫଟୋକୁ ନେଇକୁ ଆଲୋଚନା ହେବାରେ ଲାଗିଛି । ଲୋକେ ଦୁହିଁଙ୍କୁ ବେପରୁଆ କହିବା ସହିତ କିପରି ଫଟୋ ପାଇଁ ଜଣଙ୍କ ଜୀବନକୁ ବାଜି ଲଗାଇ ଦଉଛ ବୋଲି ପ୍ରଶ୍ନ କରିଛନ୍ତି ।
ଏକ ନ୍ୟୁଜ ଚ୍ୟାନେଲକୁ ଇଣ୍ଟରଭ୍ୟୁ ଦେଇ କପଲ କହିଛନ୍ତି ଯେ , ବାସ୍ତବରେ ଆମେ ଦୁଇଟି କାରଣ ପାଇଁ ସୁରକ୍ଷିତ ଥିଲୁ । ପ୍ରଥମଟି ହେଉଛି ତଳେ ଆଉ ଏକ ପୁଲ ଥିଲା ଯାହାକୁ ଆମେ କ୍ରପ କରି ଫଟୋ ଦେଇଥିଲୁ । ଏବଂ ଦିତୀୟଟି ଆମେ ଫଟୋ ଉଠାଇବା ପାଇଁ ଖୁବ ଭାବିବା ପରେ ସୁରକ୍ଷାକୁ ଦୃଷ୍ଟିରେ ରଖି ଫଟୋ ଉଠାଇଥିଲୁ ।