ନୂଆ ବର୍ଷରେ ଦର୍ଶକଙ୍କୁ ଝଟକା ଦେବ ଓଡିଆ କମେଡି ଫିଲ୍ମ ‘ଜୋର କା ଝଟକା’
ଓଡିଆ ଦର୍ଶକଙ୍କୁ ନୂଆ ବର୍ଷରେ ରୋମାନ୍ସ କିମ୍ବା ଆକ୍ସନ ବଦଳରେ ଏଥରକ କମେଡି ସହ ଏଟଂରଟେନ କରିବେ ଅଭିନେତା ଦୀପକ ଓ ଚୁଲବୁଲି ନାୟିକା ପିଙ୍କି ପ୍ରିୟଦର୍ଶନୀ । ପୁରୁଣା ଯୁଗଳବନ୍ଦୀ ନୂଆ କମେଡି ଫିଲ୍ମ ‘ଜୋର କା ଝଟକା’ ସହ ଖୁବ ଶିଘ୍ର ଦର୍ଶକଙ୍କ ପାଖରେ ପହଁଚିବାକୁ ଯାଉଛନ୍ତି । ନିକଟରେ ଏହି ଅପକମିଂ ଫିଲ୍ମର ଶୁଭମହୁରତ କାର୍ଯ୍ୟକ୍ରମ ଶେଷ ହୋଇଛି । ଅଭିନେତା ଦୀପକ କହିଛନ୍ତି କି ସିନେପ୍ରେମୀଙ୍କ ପାଖରେ ଏହି ଫିଲ୍ମ କିଛି ନୂଆ ମନୋରଞ୍ଜର ସ୍ୱାଦ ସହ ପରଦାକୁ ଓହ୍ଲାଇବ । କିଛି ରୋମାଟିଂକ ଫିଲ୍ମରେ ହିରୋ ହେବା ପରେ ଏଥରକ ଦୀପକ କମେଡି ରୋଲରେ ଦର୍ଶକଙ୍କୁ ଏଟଂରଟେନ କରିବାକୁ ଯାଉଛନ୍ତି ।
ପୂର୍ବରୁ ସପନର ନାୟିକାରେ ଦୀପକଙ୍କ ନାୟିକା ହୋଇଥିବା ପିଙ୍କି ପ୍ରିୟଦର୍ଶନୀ ୨ୟ ଥର ପାଇଁ ତାଙ୍କ ସହ ସ୍କ୍ରିନ ସେୟାର କରୁଛନ୍ତି । ଜୋର କା ଝଟକାରେ ପିଙ୍କି ଏକ ଚୁଲବୁଲି ଚରିତ୍ରରେ ନଜର ଆସିବେ । ଅନ୍ୟପଟେ ନିଜ ପ୍ରିୟ ସହଯୋଗୀ କଳାକାର ଦୀପକଙ୍କ ସହ ପୁଣି ଅଭିନୟର ମୌକା ପାଇଥିବା ଯୋଗୁଁ ବେଶ ଖୁସି ଅଛନ୍ତି ପିଙ୍କି । ଫିଲ୍ମରେ ପ୍ରତିଭା ପଣ୍ଡା ମା ଭୂମିକାରେ ଅଭିନୟ କରୁଛନ୍ତି ।
ନୂଆ ବର୍ଷର ରିଲିଜ ଲକ୍ଷ୍ୟ ରଖି ମହୁରତ ଦିନରୁ ହିଁ ଜୋରଦାର ଭାବେ ଫିଲ୍ମର ସୁଟିଂ ଆରମ୍ଭ ହୋଇଛି । ଅନ୍ୟପଟେ ନିଜ ଡେବ୍ୟୁ ଡିରେକ୍ସନ ଦାୟିତ୍ୱକୁ ନେଇ ଯେତିକି ଖୁସି ଅଛନ୍ତି ସେତିକି ଉତ୍ସାହିତ ଅଛନ୍ତି ନିର୍ଦ୍ଦେଶକ ପିନୁ ନାୟକ । ଶିବାନୀ ଫିଲ୍ମ ଓ ଏକ୍ସେଲ ମୁଭିଜର ମିଳିତ ପ୍ରଯୋଜନାର ନିର୍ମାଣ ହେବ ଫିଲ୍ମ ‘ଜୋର କା ଝଟକା’ ।
ଡକ୍ଟର ନିର୍ମଳ ନାୟକଙ୍କ ଗୀତକୁ ସଂଗୀତରେ ସଜାଇଛନ୍ତି ଅଭିଜିତ ମଜୁମଦାର । ଫିଲ୍ମର ଅନ୍ୟାନ୍ୟ ପ୍ରମୁଖ ଭୂମିକାରେ ମିହିର ଦାସ, ପ୍ରଦ୍ୟୁମ୍ନ ଲେଙ୍କା, ହରି, ପ୍ରଜ୍ଞା, କେକେ, ପ୍ରତିଭାପଣ୍ଡା ଓ ନନ୍ଦୀନୀ ଦାସଙ୍କ ଅଭିନୟ ରହିଛି । ଡ୍ରାମା ଭାଗର ସୁଟିଂ ଓଡିଶାରେ ଶେଷ କରି ଟିମ ‘ଜୋର କା ଝଟକା’ ଗୀତର ସୁଟିଂ ପାଇଁ ଓଡିଶା ବାହାରକୁ ଯିବାର ଯୋଜନା ରଖିଛି ।