୪୫ ବର୍ଷରେ ପାଦ ଦେଲେ ‘ରଙ୍ଗୀଲା’ ଗର୍ଲ ଉର୍ମିଳା ମାତୋଣ୍ଡକର, ଏହି ନିର୍ଦ୍ଦେଶକଙ୍କ ପାଇଁ ଖରାପ ହୋଇଥିଲା ଆକ୍ଟିଂ କ୍ୟାରିୟର
ବଲିଉଡର ‘ରଙ୍ଗୀଲା’ ଗର୍ଲ ଉର୍ମିଳା ମାତେଣ୍ଡକର ଆଜି ନିଜର ୪୫ତମ ଜନ୍ମଦିନ ପାଳନ କରୁଛନ୍ତି । ୧୯୭୪ରେ ମୁମ୍ବାଇରେ ଜନ୍ମ ହୋଇଥିବା ଉର୍ମିଳା ଚାଇଲ୍ଡ ଆକଟ୍ରେସ ଭାବେ ମରଠୀ ଫିଲ୍ମ ‘ଝାକୋଲା’ (୧୯୮୦)ରୁ ନିଜ କ୍ୟାରିୟର ଆରମ୍ଭ କରିଥିଲେ । ଫିଲ୍ମ ‘ନରସିହ୍ମା’ରେ ସେ ଅଭିନେତ୍ରୀ ଭାବେ କାମ କରିଥିଲେ କିନ୍ତୁ ତାଙ୍କୁ ବଲିଉଡରେ ପରିଚୟ ଦେଇଥିଲା ରାମଗୋପାଲ ବର୍ମାଙ୍କ ଫିଲ୍ମ ‘ରଙ୍ଗୀଲା’ । ଫିଲ୍ମରେ ଉର୍ମିଳା ଅନେକ ବୋଲ୍ଡ ସିନ ଦେଇଥିଲେ । ଉର୍ମିଳା ୯୦ ଦଶକର ହିଟ ଅଭିନେତ୍ରୀ ତାଲିକାରେ ରହିଥିଲେ ।
ଫିଲ୍ମ ‘ରଙ୍ଗୀଲା’ ସୁଟିଂ ସମୟରେ ହିଁ ରାମଗୋପାଳ ବର୍ମା ଉର୍ମିଳାଙ୍କୁ ନିଜ ଦୃଦୟ ଦେଇବସିଥିଲେ । ଦୁହିଁଙ୍କ ଅଫେୟାର ସେତେବେଳେ ଖୁବ ଚର୍ଚ୍ଚାରେ ରହିଥିଲା । ଖବର ଅନୁସାରେ ରାମଗୋପାଳ ବର୍ମା ସେତେବେଳେ ନିଜର ପ୍ରତ୍ୟେକ ଫିଲ୍ମରେ ଉର୍ମିଳାଙ୍କୁ ହିଁ ନେଉଥିଲେ । ରଙ୍ଗୀଲା ପୂର୍ବରୁ ସେ ଉର୍ମିଳାଙ୍କୁ ତେଲଗୁ ଫିଲ୍ମରେ ମଧ୍ୟ କାଷ୍ଟ କରିଥିଲେ । ରାମଗୋପାଳ ବର୍ମ ଉର୍ମିଳାଙ୍କ ପାଇଁ ଏତେ ପାଗଳ ଥିଲେ ଯେ, ସେ ମୁମ୍ବାଇରେ ସ୍ଥିତ ନିଜ ଅଫିସର ଏକ ରୁମର ନାମ ଉର୍ମିଳା ମାତୋଣ୍ଡକର ରଖିଥିଲେ ।
କେବଳ ରାମ ଗୋପାଳ ବର୍ମାବଙ୍କ ଫିଲ୍ମ କରିବା କାରଣରୁ ଉର୍ମିଳା ଅନ୍ୟ ନିର୍ଦ୍ଦେଶକଙ୍କ ସହିତ କାମ କରିବା ପାଇଁ ମନା କରିଦେଉଥିଲେ । ଅନ୍ୟପକ୍ଷରେ ରାମଗୋପାଳଙ୍କର ବଲିଉଡରେ ଅନେକ ଲୋକଙ୍କ ସହିତ ଭଲ ସମ୍ପର୍କ ନଥିଲା । ସେଥିପାଇଁ ଅନ୍ୟ ନିର୍ଦ୍ଦେଶକ ଉର୍ମିଳାଙ୍କୁ ଫିଲ୍ମରେ ନେବା ପାଇଁ ପସନ୍ଦ କରୁନଥିଲେ । ପରେ ଧିରେ ଧିରେ ଉର୍ମିଳାଙ୍କୁ ଫିଲ୍ମ ମିଳିବା ବନ୍ଦ ହୋଇଯାଇଥିଲା ।
୨୦୧୬ରେ ଉର୍ମିଳା ନିଜଠାରୁ ୧୦ ବର୍ଷ ସାନ କାଶ୍ମୀର ବିନେସମ୍ୟାନ ତଥା ମଡେଲ ମୋହସିନ ଅଖତରଙ୍କୁ ବିବାହ ଗୁପ୍ତରେ ବିବାହ କରିଥିଲେ । ଉର୍ମିଳା ପତି ମୋହସିନଙ୍କ ଫିଲ୍ମ ‘ଲକ ବାଇ ଚାନ୍ସ’ରେ ମଧ୍ୟ କାମ କରିସାରିଛନ୍ତି । ଲମ୍ବା ସମୟରୁ ଫିଲ୍ମ ଠାରୁ ଦୂରରେ ଥିବା ଉର୍ମିଳା ନିକଟରେ ଅର୍ଥାତ ୨୦୧୮ରେ ଆସିଥିବା ଫିଲ୍ମ ‘ବ୍ଲାକମ୍ୟାନ’ରେ ଏକ ଆଇଟମ କରିଥିଲେ ।