କୁମାର ଉତ୍ସବକୁ ନିଆରା ଅନ୍ଦାଜରେ ପାଳିଲେ ଓଲିଉଡର ଚୁଲବୁଲି ନାୟିକା ବର୍ଷା ପ୍ରିୟଦର୍ଶନୀ
କୁମାର ଉତ୍ସବକୁ ନିଆରା ଅନ୍ଦାଜରେ ପାଳିଛନ୍ତି ଓଲିଉଡର ଚୁଲବୁଲି ନାୟିକା ବର୍ଷା ପ୍ରିୟଦର୍ଶନୀ । କୁନିକୁନି ପିଲାଙ୍କୁ ନିଜ ହାତରେ ସଜେଇବା ସହ ଏମାନଙ୍କ ସହ ପାଳିଛନ୍ତି କୁମାର ଉତ୍ସବ । କାହା ପାଦରେ ଅଳତା ଲଗେଇ ଦେଇଛନ୍ତି, ପୁଣି କାହା ମଥାରେ ବିନ୍ଦି ଲଗାଇ କୁମାରୀବେଶରେ ସଜାଇଛନ୍ତି ବର୍ଷା । ପିଠାପଣା ସହ ପିଲାଙ୍କ ପାଇଁ ଭଳି କି ଭଳି ଆୟୋଜନ କରାଯାଇଛି । ଉଦ୍ଦେଶ୍ୟ କେବଳ ଉତ୍ସବକୁ ପାଳି ପିଲାଙ୍କ ମୁହଁରେ ହସଫୁଟଇବା । ସୁଟିଂ ସେଟରୁ ସମୟ ବାହାର କରି ଏଥର କୁମାର ଉତ୍ସବକୁ ଏକ ନିଆରା ଢଙ୍ଗରେ ପାଳିଛନ୍ତି ବର୍ଷା । ସମ୍ମାନିତା ଅନୁଷ୍ଠାନ ପକ୍ଷରୁ ପାଳିତ ହୋଇଛି କୁମାର ପୂର୍ଣ୍ଣିମା ।
View this post on Instagram
SAMMANITA celebrated “Kumar Purnima” with differently abled children of God ?? #KumarPurnimaScenes❤️
କଟକରେ ଆୟୋଜିତ ହୋଇଥିବା କାର୍ଯ୍ୟକ୍ରମର ମୁଖ୍ୟ ଆର୍କଷଣ ହୋଇଥିଲେ ଓଲିଉଡ ନାୟିକା । ପିଠାପଣା ସହ ପାରମ୍ପାରିକ ଖେଳ କୁମାରପୂର୍ଣ୍ଣିମାକୁ ଧୁମଧାମରେ ପାଳନ କରିଛନ୍ତି ବର୍ଷା । କୁନିକୁନି ପିଲାଙ୍କ ମୁହଁରେ ହସ ଫୁଟାଇବା ପାଇଁ ସମ୍ମାନିତା ଅନୁଷ୍ଠାନର ଏହା ଛୋଟ ପ୍ରୟାସ ବୋଲି କହିଛନ୍ତିି ଅନୁଷ୍ଠାନର ସଦସ୍ୟ । ଅନ୍ୟପଟେ କହିଛନ୍ତିି ସୋସିଆଲ ମିଡିଆର ଯୁଗରେ ଓଡିଆ ପରମ୍ପରା କ୍ରମଶ କମୁଛି । ତେଣୁ ଏଭଳି କାର୍ଯ୍ୟକ୍ରମର ଆୟୋଜନ କରି ଓଡିଆ ପରମ୍ପରାକୁ ଜୀବିତ ରଖିବା ସହ ପିଲାଙ୍କ ମୁହଁରେ ହସଫୁଟାଇବା ଅନୁଷ୍ଠାନ ମୁଳ ଉଦ୍ଦେଶ୍ୟ ବୋଲି ଏମାନେ କହିଛନ୍ତି ।
